الايدا، ونىڭ ايتۋىنشا، مۇنى يادرولىق سىناق دەپ ايتۋعا ءالى تىم ەرتە.
ۇيىم جەر سىلكىنىسى بولۋى مۇمكىن دەپ اتاپ ءوتتى. ەندى عالىمدار اۋاعا راديواكتيۆ بولىگى تارالعان- تارالماعانىن كۇتەتىن بولادى.
بۇل جارىلىس كوزىن ايقىنداۋعا جانە پحەنياننىڭ سۋتەگى بومباسىن سىناقتان وتكىزۋ جايىنداعى مالىمدەمەسىن راستاۋعا نەمەسە جوققا شىعارۋعا جاردەمدەسەدى. زەبرونىڭ ايتۋىنشا، راديواكتيۆتى زاتتاردىڭ اۋادا بار- جوعىن انىقتاۋعا ەلۋ كۇن كەتەدى.
ك ح در سارسەنبىدە سۋتەگى بومباسىن ءساتتى سىناقتان وتكىزگەنى جايلى مالىمدەدى. بۇل بومبا ءۇشىن كۇردەلى تەحنولوگيالار قولدانىلادى. ونىڭ جارىلۋى ۋران نەمەسە پلۋتوني بومبالارىنا قاراعاندا ەداۋىر قۋاتتى بولىپ كەلەدى. كوپتەگەن ساراپشىلار مەن ساياساتكەرلەر سولتۇستىك كورەيلىك كوشباسشىلار مالىمدەمەسىنىڭ شىندىققا جاناسپاۋى مۇمكىن ەكەنىن ايتۋدا.
پحەنيان ارەكەتىنە جاۋاپ رەتىندە وڭتۇستىك كورەيا جۇمادان باستاپ ك ح د ر شەكاراسىندا داۋىس زورايتقىشپەن ناسيحاتتاۋ حابارلاماسىن قايتادان باستاۋعا شەشىم قابىلداعانىن جاريالادى.