سونىمەن قاتار، ۆاشينگتون سولتۇستىك كورەيانى «يادرولىق دەرجاۆا» دەپ مويىندامايتىنىن ەسكەرتتى. بۇل تۋرالى ult.kz ءتىلشىسى Reuters اقپاراتتىق- اگەنتتىگىنە سىلتەمە بەرە وتىرىپ حابارلايدى.
كەرري پحەنيان تاراپىنان بولعان پروۆوكاتسيالىق ارەكەتتەردىڭ الەم جانە ونىڭ تىنىشتىعى ءۇشىن قاۋىپ توندىرەتىنىن باسا ايتتى. «ا ق ش سولتۇستىك كورەيانى بۇگىن دە، ەرتەڭ دە «يادرولىق دەرجاۆا» دەپ مويىندامايدى. ولار وتكىزىپ جاتقان سىناقتار ءبىزدى تەك جىگەرلەندىرىپ، باتىل شەشىمدەر قابىلداۋعا جەتەلەيدى» ، - دەدى مەملەكەتتىك حاتشى.
ال ءوز كەزەگىندە، اق ءۇيدىڭ رەسمي وكىلى دجوش ەرنست، پحەنياننىڭ سۋتەگى بومباسى سىناقتارىن وتكىزۋ تۋرالى مالىمدەمەلەرى العاشقى ساراپتامالارمەن سايكەس كەلمەيتىنىن ايتقان. ءباسپاسوز- حاتشىسىنىڭ پىكىرىنشە، سوڭعى 24 ساعاتتىڭ اينالاسىندا ا ق ش ۇكىمەتىنىڭ ق ح د ر اسكەري جانە تەحنيكالىق مۇمكىندىكتەرىنە قاتىستى باعالاۋلارىن وزگەرتەتىندەي ەشتەڭە بولماعان.
ب ۇ ۇ قاۋىپسىزدىك كەڭەسى دە ق ح د ر- دىڭ ايدىڭ كۇنى امانىندا يادرولىق سىناقتار جۇرگىزۋىن ايىپتاپ وتىر. وسىعان وراي، ۇيىم - «جاۋاپتى شارالار ناقتىلاناتىن جاڭا رەزوليۋتسيا» قابىلدانادى دەپ تە ۋادە بەردى.