«مەندە ەش ۋاقىتتا تاپانشا بولعان ەمەس»، - دەدى ول بەيسەنبى كۇنى CNN تەلەارناسىنىڭ ەفيرىندە قارۋ جايىندا اڭگىمە قوزعالعان كەزدە.
بۇدان بۇرىن وباما ا ق ش اتقارۋشى بيلىگى اتىس قارۋى اينالىمىنا باقىلاۋدى كۇشەيتۋگە باعىتتالعان ءبىرقاتار شارالار قابىلداعانىن جاريالاعان.
ا ق ش پرەزيدەنتى قارۋ يەلەرى مەن ساتۋشىلاردىڭ مۇددەلەرىن قورعايتىن ۇلتتىق قارۋ قاۋىمداستىعى وكىلدەرىمەن كەزدەسۋگە ءازىر ەكەنىن مالىمدەگەنىن ايتا كەتۋ قاجەت.
«ولارمەن كەزدەسىپ، اڭگىمەلەسۋگە قارسى ەمەسپىن»، - دەدى امەريكاندىق مەملەكەت باسشىسى. الايدا، ول «وباما ادامداردان قارۋدى الىپ قويماقشى دەگەن داقپىرت» اڭگىمە ەمەس، ناقتى فاكتى جايىندا ءسوز قوزعالاتىنىن قوستى.
ا ق ش پرەزيدەنتى سويلەگەن سوزىندە قارۋدى ساتىپ الۋ- ساتۋ جۇيەسىندە مىسالى، ءدارىنى قوسا العاندا، ادامداردىڭ ءومىرى مەن دەنساۋلىعىنا قاۋىپ توندىرەتىن كەز كەلگەن تاۋارلار ساۋداسى سياقتى اقىلعا قونىمدى ءتاسىل قولدانىلۋى ءتيىس ەكەنىن ايتتى. «بىزگە ساتىپ الۋشىنىڭ كىم ەكەنىن ىقتيمال تەكسەرۋدى كوزدەيتىن زاڭدى تۇردە قارۋدى ساتۋشىلار مەن ساتىپ الۋشىلار ءۇشىن قولايسىز جاعداي تۋدىرمايتىنداي ءتيىمدى جۇيە قاجەت»، - دەدى اق ءۇي باسشىسى. ول بۇل جۇيەنى ا ق ش كونگرەسىنىڭ زاڭدى شەشىمدەرىمەن بەكىتكەندى ءجون سانايدى.
بۇدان بۇرىن وباما ا ق ش اتقارۋشى بيلىگى اتىس قارۋىنىڭ اينالىمىنا باقىلاۋدى كۇشەيتۋگە باعىتتالعان ءبىرقاتار شارالار قابىلدايتىنىن حابارلاعان.