ول سولتۇستىك كورەيانىڭ جاڭا يادرولىق سىناعىنا بايلانىستى قىتايدىڭ سىرتقى ىستەر ءمينيسترى ۆان يمەن تەلەفون ارقىلى تىلدەسكەنىن جەتكىزدى. وندا تاراپتار پحەنياننىڭ ارەكەتىنە قاتىستى الدا قالاي جىلجۋ قاجەتتىگى جايىندا پىكىر الماسقان.
د. كەرريدىڭ ايتۋىنشا، ونىڭ قىتايلىق ارپتەسى سولتۇستىك كورەياداعى يادرولىق سىناققا الاڭداۋشىلىق بىلدىرە وتىرىپ، الداعى ۋاقىتتا وعان قارسى قولعا الىناتىن شارالار بويىنشا تىعىز جۇمىس جاسايتىنىن قۋاتتاعان. قىتاي جاعى جالپى كورەي تۇبەگىن جاپپاي قىرىپ-جويۋ قارۋىنان الاستاتۋعا بار كۇشىن سالماق. ا ق ش سىرتقى ساياسات ۆەدومستۆوسىنىڭ باسشىسى سونداي-اق ارىپتەسىنە ك ح د ر- مەن بۇعان دەيىن جۇرگىزىپ كەلگەن قارىم-قاتىناس بۇدان بىلاي باسقاشا بولاتىنىن جەتكىزگەن.