اۋىزدىڭ قۇرعاۋى
اۋىز قۋىسىنىڭ قۇرعاۋى - اعزاعا سۋ قاجەت ەكەنىن بىلدىرەتىن العاشقى بەلگىلەردىڭ ءبىرى. مۇنداي كەزدە ءشولدى ءشاي، گازدالعان سۋسىن نەمەسە ءتاتتى شىرىنمەن باسۋعا بولمايدى.
كەيدە قاتتى شولدەۋ
كەيدە قانشا سۋ ىشسەڭىز دە، ءشولىڭىز باسىلمايتىن بولسا، ءسىزدىڭ اعزاڭىز قۇرعاپ كەتكەن. بۇل تەك قانا اۋىز قۋىسىنىڭ قۇرعاۋى ەمەس، اعزانىڭ دا قۇرعاعانىن بىلدىرەدى. مۇنداي كەزدە اعزا تەك سۋ سۇرايدى. اسىرەسە الكوگول اعزانى قاتتى قۇرعاتادى.
ءزار مولشەرى ازايىپ، ءتۇسى قويۋلانادى
ءار ادامنىڭ اعزاسى ءارتۇرلى بولعاندىقتان، قالىپتى جاعدايدى انىقتاۋ قيىنعا سوعادى. ەگەر ءزاردىڭ وزگەرگەنىن بايقاساڭىز، قانشالىقتى سۋ ىشەتىنىڭىزگە نازار اۋدارىڭىز.
كوزدىڭ قۇرعاۋى
ەگەر كوز قۇرعاپ، ازداپ قىشىپ، قانتالاپ كەتسە، سۋ ءىشۋ قاجەت. اعزاعا سۋ جەتكىلىكسىز بولسا، كوز جاسى جولدارى قۇرعايدى. بۇل كوزگە زيانىن تيگىزەدى. مۇنداي بەلگىگە لينزا تاعاتىندار اسا ءمان بەرگەنى ءجون.
تامىر سوعىسى مەن جۇرەك قاعىسى جيىلەسە
قاناينالىم جۇيەسىندەگى قان سۋىن جوعالتسا، كولەمى ازايىپ، باياۋ اينالادى. سالدارىنان جۇرەككە سالماق ءتۇسىپ، قاناينالىم بۇزىلادى، اعزا قاجەت مولشەردە وتتەگى الا المايدى.
بۋىن اۋىرسا
كوپشىلىكتى، اسىرەسە ەگدە تارتقان ادامداردى بۋىن اۋرۋى مازالايدى. كەيبىرەۋلەردە بۇل جۇگىرگەن سوڭ نەمەسە سەكىرگەننەن كەيىن پايدا بولادى.
اعزاداعى سۋ مولشەرى جەتكىلىكسىز بولسا، ادام اۋرۋشاڭ بولادى.
اس قورىتۋدىڭ بۇزىلۋى
اۋىز قۋىسىنىڭ شىرىشتى قاباتىن ۇنەمى ىلعالداندىرۋ كەرەك. ءبىراق بۇل اسقورىتۋ جۇيەسىنە دە تىكەلەي بايلانىستى.
ەگەر شىرىشتى قابات ىلعالداندىرىلماسا، اسقازان قىجىلداپ، قىزمەتى بۇزىلادى.
شارشاۋ جانە ۇيقىشىلدىق
اعزاعا سۋ جەتىسپەسە، ونى قاننان الادى. بۇل وتتەگى تاپشىلىعىنا اكەلۋى مۇمكىن. ادامنىڭ شارشاپ، ۇيقىشىل بولۋى دا سوندىقتان.
ينتەرنەت ماتەريالدارى بويىنشا ازىرلەندى