سوڭعى 30 جىلدا ولاردىڭ كولەمى عا ازايعان. كليماتتىڭ وزگەرۋىنەن ەڭ الدىمەن جەرگىلىكتى تۇرعىندار جاپا شەگىپ وتىر.
ويتكەنى كولەمى ازايعان مۇزدىقتار كەسىرىنەن كوپ جەر قۋراپ قالعان. سالدارىنان تاۋلى ايماقتا تۇراتىن 300 مىڭ ادام مال جايىپ، ەگىن ەگەتىن القاپ تاپپاي الەك.
مانۋەل پۋلگار- ۆيدال، پەرۋدىڭ قورشاعان ورتانى قورعاۋ ءمينيسترى:
- كليماتتىڭ وزگەرۋ ماسەلەلەرى ءبىزدىڭ ەلدە اسا قاتتى بايقالىپ وتىر. بۇل تۇيتكىلدى شەشۋ ءۇشىن قولدا بار امالدىڭ بارلىعىن جاساۋ كەرەك. بۇگىندە پەرۋدە وڭدىرىلەتىن ەلەكتر قۋاتىنىڭ شامامەن @ سۋ ەلەكترسانسالارىنا تيەسىلى. سوراقىسى سول، ولاردىڭ بارلىعى مۇزدىقتاردان تولاتىن وزەندەردە ورنالاسقان.
فرەددي سااۆەدرا، «ماچۋ-پيكچۋ» سۋ ەلەكتر ستانساسىنىڭ باس ينجەنەرى:
- قۇرعاق ماۋسىم كەزىندە سۋ تابيعي جەراستى رەزەرۆۋارلاردان كەلەدى. سونىمەن قاتار اند تاۋلارىنداعى مۇزدىقتار ەرىپ، ولاردىڭ دا سۋ كەلىپ قوسىلادى. الايدا ولاردىڭ كولەمى ازايىپ بارادى. سايكەسىنشە ستانسالار از ەنەرگيا وندىرەدى. پەرۋ استاناسى ليما شولەيتتى وڭىردە ورنالاسقان. مۇندا تۇراتىن 10 ميلليون تۇرعىن ءۇشىن مۇزدىقتاردىڭ اسا ماڭىزدى ەكەنى ايتپاسا دا تۇسىنىكتى. ويتكەنى ولاردان كەلەتىن سۋ ەلەكتر قۋاتىن ءوندىرىپ، ەگىس القاپتارىن سۋارۋعا جاراپ جاتادى. ونىڭ ۇستىنە مۇندا كادىمگى اۋىزسۋدىڭ ءوزى دە تاپشى. سالدارىنان شاھاردىڭ كەدەي اۋداندارىنىڭ تۇرعىندارى تىرشىلىك ءنارىن ساتىپ الىپ ىشۋگە ءماجبۇر.
ليما تۇرعىنى: - بىزگە مۇندا سۋ ستەرنامەن جەتكىزىلەدى. الايدا تاپسىرىس كوپ بولعاندا، جۇك كولىگى 15-20 كۇندەپ كەلمەي قويادى. سول كەزدە قاتتى قينالاتىنىمىز بار. ال عالىمدار بولسا، كليماتتىڭ وزگەرۋ ماسەلەسىن شەشۋمەن باس قاتىرىپ جاتىر.
ال بۇكىل الەمدىك بانكتىڭ پايىمداۋىنشا، جاعداي وزگەرمەسە، الداعى 20 جىل ىشىندە اند تاۋلارىنداعى مۇزدىقتاردىڭ تۇگى قالماي، جەر بەتىنەن جويىلىپ كەتەتىن ءتۇرى بار.
www.24.kz