جاپونداردىڭ الەمدى تاڭ قالدىرعان زاتتارى - فوتو

نۇر- سۇلتان. قازاقپارات - ەگەر جولىڭىز ءتۇسىپ كۇنشىعىس ەلىنە بارىپ جاتساڭىز، تومەندە كورسەتىلگەن زاتتاردى مىندەتتى تۇردە ىزدەپ كورىڭىز.

ويتكەنى ولار تەك جاپونيادا عانا كەزدەسەدى.

بۇل تۋرالى bigpicture.ru حابارلايدى.

جاپون ەلى تەحنيكانىڭ دامۋى جاعىنان الەم ەلدەرىنەن ءبىر قادام الدا تۇرعانى بەلگىلى. گەوگرافيالىق ورنالاسۋىنىڭ تيىمسىزدىگى جانە تابيعي جاعدايلارىنىڭ ورىن الۋى كۇنشىعىس ەلىنىڭ زەرەك ءارى ىنتالى بولۋىنا ىقپال ەتتى.

جاپونيادا ايەل ادامدار يابەا دەپ اتالاتىن جاساندى تىستەرگە وتە قۇمار. ولار وسى ءتىستى سالدىرۋ ءۇشىن جۇزدەگەن دوللار اقشا جۇمساۋعا دايىن.

جاپونيادا 126 ميلليوننان استام ادام ءومىر سۇرەدى. سوندىقتان بۇل ەلدە ورىن تاپشىلىعى باستى ماسەلەگە اينالعان. مۇندا ساۋدا ورىندارى سەكىلدى ادام كوپ كەلەتىن ورىنداردا وسىنداي كولىك تۇراعى ورنالاسقان.

قاتتى جەل سوعىپ، جاڭبىر جاۋعاندا كادىمگى زونتتىڭ ەشقانداي پايداسى بولماي قالادى. سوندىقتان جاپوندار وسىناي سۋپەرزونت ويلاپ تاپقان.

باتىس ەلدەرىندە جۇمىس ورنىندا ۇيىقتاۋ تارتىپسىزدىك دەپ سانالىپ، ول ءۇشىن سوگىس جاريالاپ جاتادى. ال، جاپوننىڭ بيزنەس مادەنيەتىندە كوپ ۋاقىت جۇمىس ىستەگەندىكتەن قىزمەتكەرلەرگە جۇمىس ورنىندا ۇيىقتاۋعا رۇقسات بەرەدى. بۇل جاپونيادا ينەمۋري دەپ اتالادى. كوپ جۇمىس ىستەپ شارشاعان ادامنىڭ كەيپىندە كورىنىپ، باسشىسىنىڭ كوزىنە تۇسكىسى كەلگەندەر دە وسىنداي ارەكەتكە بارادى ەكەن.

جاپوندىقتار كوپ جۇمىس ىستەگەندىكتەن مەترو ىشىندە تۇرەگەپ تۇرىپ تا ۇيىقتاي بەرەدى. سول ءۇشىن مەترودا ارنايى باسىن ۇستاپ تۇراتىن قۇرىلعى ورناتىلعان.

بالانى ەدەنگە جىبەرسەنىڭ بارلىق جەردى كيىمىمەن ءسۇرتىپ شىعاتىنى بىلەسىزدەر. سوندىقتان جاپوندار بالاعا ارنالعان ەدەن سۇرتەتىن ماتا سەكىلدى كيىم تىگىپ شىعارادى.

سىنباۋ ءۇشىن زاتتاردىڭ سىرتىنا ورالاتىن شار ءتارىزدى جارىلعىش قاپتامانى بارلىعى جارۋعا قۇمار. سونىڭ ورنىنا جاپوندار ارنايى جارىلعىش شار جاساعان. ولاردى باسقان سايىن قايتا اۋا جينالىپ، قايتا- قايتا جارا بەرۋگە بولادى.

الەمدەگى ەڭ كىشكەنتاي ەسكالاتور Morە's امبەباپ دۇكەنىندە ورنالاسقان. ونىڭ 5 ساتىسى بار. ۇزىندى 83 س م. ال، كەيبىرەۋلەر بولسا، امەريكالىقتاردى جالقاۋ ەلگە تەڭەپ ءجۇر.

جاپونيانىڭ اوكيگاحارا ورمانى «وزىنە قولجۇمساۋشىلاردىڭ ورمانى» دەپ اتالىپ كەتكەن. مۇندا اعاشتاردىڭ نىعىز وسكەنى سونشالىق، ىشكە جەل وتكىزبەيدى. ۇنەمى تىنىشتىقتا تۇرادى. سوندىقتان وسىندا وزىنە قول جۇمساۋ وقيعالارى ءجيى بولىپ جاتادى. جىل سايىن 100 گە جۋىق ادام وسى ورماندا ومىرىمەن قوش ايتىسادى ەكەن.

ايەلى نە دوس قىزى جوق ەر ادامدار ءۇشىن وسىنداي جاستىقتار ساتىلادى

سونداي- اق، جالعىزباستى ايەلدەرگە ارنالعان جاستىقتار دا بار

بۇل ەلدە سىرا بوتەلكەلەرىنىڭ سىرتىنان وسىنداي بەلگىلەردە اڭعارۋعا بولادى. برايل قارپىمەن جازىلعان بەلگىلەر زاعيپ جانداردىڭ وقۋىنا ارنالعان. جاپونيادا كوزى كورمەيتىن جاندار ءۇشىن دە وسىنداي باستامالار قولعا الىنعان.

جول كەپتەلىسىنىڭ ورىن الۋى سەبەپتى جاپوندار كوبىنە ۆەلوسيپەدپەن جۇرەدى. حالىق كوپ جۇرەتىن ورىنداردىڭ تۇراعىنان وسىنشاما ۆەلوسپەدتى كورۋگە بولادى.

جاپونداردىڭ مۇنداي ۋنيتازدارىندا سۋ اعىزۋ كەزىندە ادامنىڭ دارەت الۋىنا مۇمكىندىك بار.

دەرەككوز: Stan.kz