تاسقىننان شوتلانديا پاتشايىمىنىڭ سارايى زارداپ شەگۋى مۇمكىن

استانا. قازاقپارات - ۇلى بريتانيادا تولاسسىز جاۋىن سالدارىنان دي وزەنى ارناسىنان اسىپ، ماڭايداعى جولداردى بۇزىپ كەتتى.

ءتىپتى اعىن سۋ شوتلانديا پاتشايىمىنىڭ بالمورال سارايىنا جاقىن ورنالاسقان XVI عاسىردىڭ جادىگەرى ابەرفەلدي قامالىنا قاۋىپ ءتوندىرىپ تۇر.

 جەرگىلىكتى تۇرعىندار وزەن سۋىنىڭ ارناسىنان اسۋى ۇيلەردى قيراتىپ، ءبىرتالاي جاندى باسپاناسىز قالدىرعانىن ايتىپ وتىر. سوڭعى اپتادا ەكپىندى جەلدىڭ سوڭى اق جاۋىنعا ۇلاسىپ، كورولدىكتى ءبىرتالاي شىعىنعا باتىرعان. ءارتۇرلى اقپارات كوزدەرىنىڭ مالىمدەۋىنشە، تابيعي اپات 6 ميلليارد فۋنت ستەرلينگكە دەيىن شىعىن اكەلگەن.

www.24.kz