كەشەگى قازاق ايەلىنىڭ جارقىن بەينەسى - قۇندى فوتوقۇجاتتار
كەرىسىنشە، اتا ءداستۇرىمىز بەن اسىل ءدىنىمىز ءوزارا ۇيلەسىم تاۋىپ، تۇرمىسىمىز تۇزەلىپ، تىرشىلىگىمىزدىڭ باياندى، بەرەكەلى بولعانى تاۋاريحتان بەلگىلى. ال بۇل رەتتە قازاق ايەلىنىڭ الار ورنى تىپتەن ەرەكشە. الاشتىڭ زاڭعار جازۋشىسى مۇحتار ماعاۋين: «الەمدەگى ەڭ سۇلۋ - قازاق ايەلى: مەنىڭ جارىم، مەنىڭ انام، مەنىڭ قىزىم. قازاقتى قازاق قىلعان وسى ايەل بولاتىن، سۇلۋ عانا ەمەس، سىمباتتى، مىنەزدى، اقىلدى، ادال جار، ابزال انا، اعايىنعا قامقور، اۋىل- ايماققا قۇت، ەردىڭ ماقتانى، ەردىڭ كوركى» ، - دەپ جازعانىنداي، ءبىزدىڭ مەملەكەتىمىزدىڭ بۇگىنگى جەتىستىكتەرى مەن باي- قۋاتتىلىعى سونداي ساليقالى انالارىمىزدىڭ دۇعا- تىلەك، ءۇمىت پەن سەنىم، امال- ارەكەتىنىڭ جەمىسى دەسەك، ونىمىز اسىلىق بولماس.
بۇگىنگى تاڭدا ارحيۆتەگى ماتەريالدار جارىققا شىعىپ، حالىقتىڭ كەشەگىسى تۇگەندەلە باستاعانى كوڭىل قۋانتارلىق جاعداي. ول بىزگە ازاتتىقتىڭ اق تاڭى سىيلاعان ۇلكەن سىيلىق... دەسە دە قازاق ايەلى تۋرالى ءالى دە بولسا ايتىلماي جاتقان، كەزەگىن كۇتىپ جاريالانباي تۇرعان قۇندى دۇنيەلەر جەتىپ ارتىلادى.
تومەندەگى سۋرەتتەردىڭ كوپ بولىگى رەسەي عىلىم اكادەمياسىنىڭ پەتر اتىنداعى انتروپولوگيا جانە ەتنوگرافيا مۋزەيىنە تيەسىلى. وسىناۋ تاريحي سۋرەتتەردى الەۋمەتتىڭ نازارىنا ۇسىنۋ ارقىلى تاريحي سانامىزدىڭ جاڭعىرۋ، جاڭارۋ ماسەلەسىنە تامشىداي بولسا دا ءوز ۇلەسىمدى قوسسام دەپ تىرىستىم. مۇنداي قۇندى مۇرالاردىڭ زوبالاڭ جىلداردان بەرى قاراي امان جەتۋى، جوق بولىپ كەتپەي سول كۇيىندە ساقتالۋى قازاقتىڭ پايداسىنا شەشىلگەن جاعداي دەپ قاراعان ءجون.
بايقاساڭىز، قازىر جۇرت اراسىندا «قازاق ايەلى قانداي بولعان؟ » دەگەن ساۋال ءجيى قويىلىپ ءجۇر. پىكىرتالاستار ءوز الدىنا، ءتىپتى ونبەيتىن داۋ جاساپ جۇرگەندەر دە بارشىلىق. دەسە دە قۇجاتتىڭ اتى قۇجات، تارازىعا سالعاندا تاريحتىڭ سالماعى قاشان دا اۋىر تارتادى ءارى وعان قارسى كەلۋ استە مۇمكىن ەمەس. سوندىقتان دا بۇگىننەن باستاپ وسى ماسەلەگە ۇلكەن نۇكتە قويىلدى دەپ ەسەپتەۋگە تولىق نەگىز بار.
شىعىس قازاقستان ءوڭىرى (سەمەي) ، 1899 - جىلى تۇسىرىلگەن سۋرەتتەر:
شىعىس قازاقستان ءوڭىرى (سەمەي) ، 1927 -جىلى تۇسىرىلگەن سۋرەتتەر:
شىعىس قازاقستان ءوڭىرى (سەمەي) ، 1929 -جىلى تۇسىرىلگەن سۋرەتتەر:
كەلەسى فوتوسۋرەتتەر تىپتەن قىزىق! مۇنداعى جاس قىزدار مەن قارت انالارىمىزدىڭ كيىم كيۋ مادەنيەتى دە الۋان ءتۇرلى. وزبەكستاننىڭ ناۋاي وبلىسى تامدى اۋدانىندا ءومىر سۇرگەن قازاقتار، ونىڭ ىشىندە اداي رۋىنان شىققان ايەل كىسىلەر.
كەلىنشەكتەردىڭ كيگەن كيمەشەك تۇرلەرى. باسقادا جوق مۇنداي ادەمى دۇنيەلەرىمىز تۇرمىس- تىرشىلىگىمىزدەن الىستاپ، مۇراجايلاردا كورنەكى كيىم رەتىندە ساقتاۋلى تۇرعانى قىنجىلتادى.
وزگە دە وڭىرلەردە تۇسىرىلگەن تاريحي سۋرەتتەر:
بالالارىمەن بىرگە سۋرەتكە تۇسكەن قازاق ايەلدەرى. ⅩⅩ عاسىردىڭ باسى، پاۆلودار.
قىزىلوردا، ⅩⅩ عاسىردىڭ باسى.
كيىز ۇيدە شاي ءىشىپ وتىرعان وتباسى. قىزىلوردا، ⅩⅩ عاسىردىڭ باسى.
1931 -جىل. قاندى ساياساتتىڭ سالتانات قۇرىپ تۇرعان شاعى بولسا دا قازاق ايەلدەرى سالت- داستۇرىنەن اجىراي قويماعانى ادامدى ەرەكشە كۇيگە بولەيتىندەي...
قورىتىندى ءسوز. قازاق ەلىنىڭ بولاشاعى باياندى بولسىن. قازاق ايەلىنىڭ (اياۋلى انامىزدىڭ، جارىمىزدىڭ، اپكە- قارىنداستارىمىزدىڭ) ءقادىرى ارتا بەرسىن. تاۋەلسىزدىگىمىزدىڭ 25 -جىلدىعى قۇتتى بولسىن، قۇرمەتتى وقىرمان!
bitanazamat.kz