«ءبىزدىڭ سايت سەرۆەر حوستينگتەگى جوعارى جۇكتەمەگە بايلانىستى وقشاۋلاندىرىلدى. قازىر ونى قالىپقا كەلتىرۋ ماسەلەسى شەشىلىپ جاتىر»، دەلىنگەن سافاري-باقتىڭ «ۆكونتاكتە» الەۋمەتتىك جەلىسىندەگى پاراقشاسىندا.
BBC اگەنتتىگىنىڭ حابارلاۋىنشا، سايت ۆەب-كامەرالار جۇمىس ىستەي باستاعان سوڭ ىستەن شىعىپ قالعان. بۇل كامەرالار ارقىلى كەز كەلگەن ادام امۋر مەن تيمۋردىڭ ءومىرىن ونلاين باقىلاي الدى.
ەسكە سالا كەتەيىك، وسىدان ءبىر اي بۇرىن جولبارىس امۋرعا ازىق رەتىندە جىبەرىلگەن ەشكى باقتا ونىمەن بىرگە مەكەن ەتىپ كەتتى.
كۇن سايىن ەكەۋى سەرۋەندەۋگە بىرگە شىعادى. امۋر جولبارىسى مەن ەشكى تيمۋردىڭ جۋىردا الەۋمەتتىك جەلىلەردەگى جەكە پاراقشالارى پايدا بولدى.