قازاق ۇشقىشى بەيجىڭ اۋەجاي قىزمەتكەرلەرىنىڭ جاعاسىن ۇستاتتى - فوتو
بەيجىڭ حالىقارالىق اۋەجاي قىزمەتكەرلەرى مۇنداي جايتقا تاڭدانىستارىن جاسىرا المادى. قىتايداعى ەڭ تانىمال شين لاڭ الەۋمەتتىك جەلىسىندەدە قىزۋ پىكىرتالاس ءوربىدى.
ميلليارد قىتايدىڭ استاناسىن شۋلاتقان كىم دەيسىزدەر عوي؟ ولار - قازاقتار، قازاقتىڭ ۇشاعى.
جۇما كۇنى بەيجىڭدە قاتتى تۇمان بولىپ، حالىقارالىق اۋەجايعا قونۋعا ءتيىس ۇشاقتار جەرگە قونا الماي اسپاندا اينالىپ جۇرگەندە، كەنەتتەن ءبىر ۇشاق اۋەجايعا قونعان.
مۇنداي توسىن جايتقا تاڭعالعان اۋەجاي قىزمەتكەرلەرى تۇگەل تەرەزەدەن سىرتقا قاراپتى. سويتسە، قونعان ۇشاق - قازاقستاننىڭ ۇشاعى ەكەن.
بەيجىڭ اۋەجايىنىڭ باسشىسى ۇشاق جۇرگىزۋشىلەرىنەن قالاي قوندىڭدار دەپ سۇراعاندا:
مەن بالاما «ۆەليك الىپ بەرەمىن» دەپ ۋادە بەرىپ ەم... سوعان كەشىكپەۋىم كەرەك. قازاق ەرجۇرەك حالىق. قازاق بار جەردە ءبارى بولادى. بىزگە «مۇمكىن ەمەس» دەگەن ءسوز ايتپاڭدار، - دەپتى دە، تەرەزدەن سىرتقا قاراپ، - ەندى مىنا سوقىر تۇماندا كولىكتى قالاي ايدادىق؟ - دەپ كۇلگەن ەكەن.
«قامشى»