قازاقتار سپورت زال مەن ساحنادا جۇرە بەرە مە؟
ەلىمىزدىڭ كوك تۋىن جەلبىرەتتى، قازاق ونەرىن الەمگە تانىتتى دەپ ريزاشىلىق بىلدىرەمىز. ولاردى ەلىمىزدەگى ەڭ تانىمال اقپارات قۇرالدارى جارىسا جازادى، تەلەارنالار كۇندىز-ءتۇنى كورسەتەدى. «وسىنداي بولىڭدار» دەپ جاستارىمىزدى ناسيحاتتايمىز. دۇرىس-قوي. ونەر مەن سپورت كەرەك. ۇرانداعانعا جاقسى. ءبىر مارقايىپ قالاسىڭ. ءبىراق... تۇرىكتىڭ كيىمىن كيىپ، جاپونيانىڭ ماشيناسىن ءمىنىپ، ا ق ش-تىڭ تەلەفونىن ۇستاپ، ءان سالىپ، جانكۇيەر بولىپ جۇرە بەرەمىز بە؟ تەڭگە قۇنسىزدانىپ ەدى تەنتىرەپ قالدىق قوي. كاسىپورىندار بانكروتتىڭ از- اق الدىندا تۇر.
شىنىمەن شەتەلمەن جارىسقىمىز كەلىپ بارا جاتسا، عىلىممەن نەگە جارىسپايمىز؟ سپورتتان الەم بىزبەن ساناساتىن شىعار، ال، فيزيكا، حيميا، بيولوگيا سالاسى بويىنشا پىسقىرىپ تا قارامايدى. جاڭا تەحنولوگيا ويلاپ تابۋدان افريكادان عانا الدا تۇرعانىمىزدى بىلەمىز بە؟ اياقپەن وينايتىن جاس فۋتبولشى 60 مىڭ ا ق ش دوللارىن الادى. عىلمي زەرتتەۋ ينيستيتۋتىنىڭ عىلىمي قىزمەتكەرى 50 مىڭ تەڭگە الادى؟ ءبىر عالىمىنىڭ ءبىر جىلدىق جالاقىسىن ءبىر ءانشى ەكى تويدان تابا سالادى. بىزگە قايسى قىمبات؟ عالىمدارىمىزدى نەگە سولاي ناسيحاتتايمىز. الدە، قازاقتار سپورت زال مەن ساحنادا جۇرە بەرە مە؟
قازىرەت بەردىحان
Facebook-تەگى پاراقشاسىنان