الماتىدا مەدەۋ- شىمبۇلاق اسپالى جولىندا قۇتقارۋ وپەراتسياسى جۇرگىزىلدى - فوتو
بۇل تۋرالى الماتى ق. ت ج د باسپا ءسوز قىزمەتى حابارلادى.
ۋنيۆەرسيادا-2017 نىساندارىندا قاۋىپسىزدىكتى قامتاماسىز ەتۋ اياسىندا الماتى قالاسى اكىمىنىڭ تاپسىرماسى بويىنشا الماتى قالاسىنىڭ توتەنشە جاعدايلار دەپارتامەنتى «مەدەۋ» شاتقالىنداعى بوگەتتىڭ ۇستىنەن وتەتىن اسپالى جولدىڭ ەڭ بيىك نۇكتەسىندە كەنەتتەن توقتاعان كابينالاردىڭ ىشىندەگى «تۋريستەردى» ەۆاكۋاتسيالاۋ (قۇتقارۋ) بويىنشا وقۋ-جاتتىعۋ شاراسىن وتكىزدى.
ءۇش بولىمشەنىڭ قۇتقارۋشىلارىنا ءبىر ساعاتتىڭ ىشىندە بىردەن ءۇش كابينانىڭ ىشىنەن ەۆاكۋاتسيالاۋ ءىسىن جۇرگىزۋ سياقتى قيىن تاپسىرما جۇكتەلدى. ساراپشىلاردىڭ پىكىرىنشە، قىس مەزگىلى جاعدايىندا تۋرا ءبىر ساعاتتان كەيىن جىلۋى جوق گوندولانىڭ ىشىندە قالعان بالا سۋىق وتۋدەن قايتىس بولۋى مۇمكىن ەكەن.
قۇتقارۋشىلار قويىلعان تاپسىرمانى 30 مينۋتتا ورىنداپ شىقتى.
ولار بۇل وپەراتسيانى -110 گرادۋس ايازدا 136 مەتر بولاتىن ەڭ جوعارى بيىكتىكتە اتقاردى. اسپالى جولمەن كابيناعا جەتۋ ءۇشىن «شىمبۇلاق» ت ش ك قۇتقارۋشىلارى قول پەدالدارىن اينالدىرۋ ارقىلى تارتىلعان اسپالى جولمەن جىلجۋعا مۇمكىندىك بەرەتىن ەرەكشە «ۆەلوسيپەدتى» پايدالاندى.
ءوزارا ءىس- قيمىل جاساۋ رەتىندە قۇتقارۋشىلارعا قالانىڭ ازاماتتىق قورعاۋ مەملەكەتتىك جۇيەسىنىڭ بارلىق جەدەل قىزمەتتەرى: الماتى قالاسىنىڭ ءى ءى د، «اپاتتار مەديتسيناسى ورتالىعى» م م، ش ج ق «مەديتسينالىق جەدەل جاردەم ستانسياسى» م ك ك، «قازسەلدەنقورعاۋ» ا ا ت پ ب، ازاماتتىق قورعاۋدىڭ ساۋدا- ساتتىق قىزمەتى اتسالىستى.
كۇشتەر مەن قۇرالداردى ۇيلەستىرۋ جانە باسقارۋ ءۇشىن كوماندالىق- شتابتىق ماشينانىڭ بازاسىندا ت ج د- نىڭ شتابى قۇرىلدى.
وسىلايشا، وقۋ- جاتتىعۋدىڭ بارلىق ماقساتتارى مەن مىندەتتەرىنە قول جەتكىزىپ، جۇمىستاردى اتقارۋ بارىسىندا ايقىندالعان كەيبىر ءتۇيىندى ماسەلەلەردىڭ شەشۋ جولدارى بەلگىلەندى.
ايتا كەتەلىك، رەسپۋبليكالىق جەدەل- قۇتقارۋ جاساعى، الماتى قالاسى «قۇتقارۋ قىزمەتى» م ك ق ك، «شىمبۇلاق» ت ش ك شاڭعى پاترۋلى - وسى ءۇش بولىمشەنىڭ شتاتىندا كوپتەگەن ادام ءومىرىن قۇتقارعان تاجىريبەلى الپينيست- قۇتقارۋشىلار قىزمەت ەتەدى.
اۆتور: جاپپاربەرگەن ايبوتا