الەمدىك تۋريزم ارۋى بايقاۋىنا باراتىن قازاق قىزى انىقتالماق

استانا. قازاقپارات - كەلەر جىلى مالايزيادا وتەتىن «الەمدىك تۋريزم ارۋى» بايقاۋىنا باراتىن قازاق قىزى الداعى كۇندەرى انىقتالادى، دەپ حابارلادى 24.kz.

ول بۇگىنگە دەيىنگى ىرىكتەۋ سايىستارىنان سۇرىنبەي وتكەن بەس سۇلۋدىڭ ءبىرى اتانباق. ۇيىمداستىرۋشىلار بايقاۋدىڭ باستى ەرەكشەلىكتەرىن اڭگىمەلەپ، نەگىزگى تالاپتارىنا توقتالدى. «جالپى ارۋلار ەلىمىزدىڭ تۋريستىك الەۋەتىن تانىستىرىپ، ءۇش ءتىلدى مەڭگەرۋى ءتيىس. سونداي-اق تانىم دەڭگەيى جاعىنان وزگەلەردەن وزىق بولۋى مىندەت»، - دەيدى ولار.

ايتا كەتەيىك، «الەمدىك تۋريزم ارۋى» بايقاۋى كەلەر جىلدىڭ اقپانىندا وتەدى. وسى دۇنيەجۇزىلىك سايىس ارقىلى ۇلتتىق مادەنيەتىمىز بەن تۋريستىك ورىندارىمىز كەڭىنەن ناسيحاتتالماق.

«قازىر بەس قىزعا كوزىمىز تۇسۋدە. وسى جەكسەنبى كۇنى بەلگىلى بولادى. بۇل بايقاۋ 16 -اقپان كۇنى بولادى. مالايزيا مەملەكەتىندە كۋالا-لۋمپۋر قالاسىندا. قازىر دايىندىق ۇستىندەمىز»، - دەدى ۇيىمداستىرۋ كوميتەتىنىڭ مۇشەسى ريمما تاجىبايەۆا.