قانات يسلام كەلەسى جەكپە-جەگىن قازاقستاندا وتكىزگىسى كەلەدى
قاراشادا دومينيكاندىق باتيستانى ايقىن ۇتقان قازاق جىگىتى كەلەسى كەزدەسۋىن قاڭتار ايىنىڭ 15-20 ى ارالىعىندا وتكىزۋدى جوسپارلاپ وتىر، دەپ جازادى «حابار» ارناسى.
«ۋاقىتتى بوس وتكىزبەي مۇمكىن كەلەر ايدا جوسپارلار بار. ونى مەنىڭ امەريكاداعى كوماندام، پروموۋتەرلارىم، جاتتىقتىرۋشىلارىم قازىر سول جۇمىستارمەن سويلەسىپ جاتىر»، - دەدى WBA FedeCaribe چەمپيونى قانات يسلام.
ورتا سالماقتا WBA FedeCaribe تۇجىرىمى بويىنشا «التىن بەلدىكتى» يەلەنگەن قانات بۇعان دەيىنگى 20 كەزدەسۋدىڭ بارلىعىن دا ايقىن ۇتتى.
«ەندىگى قارسىلاستى كولۋمبيادان WBA ماماندارى ۇسىنىپ جاتىر»، - دەيدى قانات يسلام. سەبەبى يسلام قازىر وسى تۇجىرىم بويىنشا ۇزدىك بەستىكتىڭ قاتارىندا تۇر.
بيىل اتاقتى پروموۋتەر ەل حەيمونمەن كەلىسىمشارتقا وتىرعان جەرلەسىمىز: «جەكپە-جەكتى قازاقستاندا وتكىزسەك. مۇمكىن بولسا وسى الماتى، استانادا 21- كەزدەسۋىمدى وتكىزۋگە ۇسىنىستار بار»، - دەيدى قازاقستاندىق بوكسشى.