ەندىگى يننوۆاتسيالىق ساياسات عارىش تەحنولوگياسىن دامىتۋعا باسىمدىق بەرەدى

استانا. قازاقپارات - قازاقستانداعى ۇدەمەلى يندۋستريالىق-يننوۆاتسيالىق دامۋ باعدارلاماسىنىڭ ەكىنشى بەسجىلدىعى اياسىندا يننوۆاتسيالىق ساياسات بولاشاقتىڭ تەحنولوگياسى، ياعني، روبوت-تەحنيكانى، عارىش تەحنولوگياسى مەن نانو-تەحنولوگيانى دامىتۋعا باعىتتالادى.

بۇل تۋرالى بۇگىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە يندۋستريالدى-يننوۆاتسيالىق ساياسات ماسەلەلەرى جونىندە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرا وتىرىپ، پارلامەنت ءماجىلىسىنىڭ دەپۋتاتى مەيرام پىشەمبايەۆ ايتتى.

دەپۋتاتتىڭ ايتۋىنشا، بۇل زاڭ جوباسى ۇلت جوسپارى - «100 ناقتى قادامدى» جۇزەگە اسىرۋ اياسىندا ازىرلەنگەن. قۇجاتتىڭ نەگىزگى ماقساتى - ينستيتۋتسيونالدىق رەفورمالاردى جەتىلدىرۋ، ەكونوميكانىڭ ارتۋى ءۇشىن يندۋستريالاندىرۋ ساياساتىن جۇزەگە اسىرۋعا سەپتىگىن تيگىزۋ، ەكونوميكانى ارتاراپتاندىرۋعا قولعابىس ەتۋ.

بۇل رەتتە، م. پىشەمبايەۆ ايتقانداي، مەملەكەت باسشىسى قازاقستان حالقىنا ارناعان بيىلعى جولداۋىندا ەكونوميكانى ءارتاراپتاندىرۋ ارقىلى عانا جاھاندىق ەكونوميكالىق داعدارىسقا توتەپ بەرۋگە بولاتىنىن اتاپ وتكەن. «سوندىقتان، بىزگە جاڭا ينۆەستيتسيالىق ساياساتتى جۇزەگە اسىرۋ كەرەك»، - دەپ اتاپ ءوتتى دەپۋتات.

ال جاڭا يننوۆاتسيالىق ساياسات روبوت- تەحنيكا، عارىش تەحنولوگياسى، نانو-تەحنولوگيا، ينجەنەريا سالالارىن دامىتۋعا باسىمدىق بەرەدى، دەدى ءسوزىن تۇيىندەي كەلە م. پىشەمبايەۆ.

اۆتور: كەنجەكەي توقتامۇرات قىزى