باتىس ەۋرازيالىق ينتەگراتسياعا بەكەر كەدەرگى كەلتىرگەنىن تۇسىنە باستادى - ۆ. پۋتين

استانا. قازاقپارات - ر ف پرەزيدەنتى ۆلاديمير پۋتيننىڭ پىكىرىنشە، باتىس ەلدەرى ەۋرازيالىق ەكونوميكالىق وداق سەكىلدى ەكونوميكالىق بىرلەستىكتەرگە قاتىستى ءوز ۇستانىمدارىنىڭ دەسترۋكتيۆتى سيپاتتا ەكەنىن تۇسىنە باستاعان.

«رەسەي، قازاقستان، بەلارۋس ەلدەرى اراسىندا ورتاق ەكونوميكالىق كەڭىستىكتىڭ قالىپتاسۋىنا، كەدەندىك وداقتىڭ قۇرىلۋىنا كەدەرگى كەلتىرۋ ءۇشىن بارلىق امالدى جاساپ باققانى جاسىرىن ەمەس. بۇگىنگە دەيىن ەۋرازيالىق ەكونوميكالىق وداقپەن حالىقارالىق ءومىردىڭ تولىققاندى مۇشەسى رەتىندە سويلەسكىسى كەلمەگەن ەدى»، - دەدى پۋتين «روسسيا 1» تەلەارناسىنان كورسەتىلگەن «ميروپوريادوك» اتتى سايدا مەدۆەديەۆانىڭ دەرەكتى فيلمىندە.

«نەگە ەكەنى بەلگىسىز، ەۋرووداقتى قۇرۋعا بولادى، ال ەۋرازيالىق وداقتى قۇرۋعا بولمايدى. مەنىڭ ويىمشا، دەگەنمەن، بۇل دەسترۋكتيۆتى ۇستانىم ەكەنىن ءبىزدىڭ ارىپتەستەرىمىز تۇسىنە باستاعان سەكىلدى»، - دەدى رەسەي پرەزيدەنتى.