وڭتۇستىك قازاقستاندا اۆتوكولىك قوزعالىسىنا شەكتەۋ قويىلدى

استانا. قازاقپارات - و ق و- دا اۋا رايىنىڭ ناشارلاۋىنا بايلانىستى ساعات 10.00-نان باستاپ، «الماتى- تاشكەنت- تەرمەز» اۆتوجولىندا (593-658- شاقىرىمدار، جامبىل وبلىسىنىڭ شەكاراسىنان ماشات اۋىلىنا دەيىن) اۆتوكولىكتىڭ بارلىق تۇرلەرى قوزعالىسىنا شەكتەۋ قويىلدى.

بۇل تۋرالى «قاز اۆتو جول» رمك باسپا ءسوز قىزمەتى حابارلادى.

 ەسكە سالا كەتەيىك، بۇدان بۇرىن جامبىل وبلىسىندا بۇرقاسىنداتىپ، كورىنىم ناشارلاۋىنا بايلانىستى «الماتى- تاشكەنت- تەرمەز» اۆتوجولىندا (536-593- شاقىرىمدار، ايشا- ءبيبى بەكەتىنەن وقو شەكاراسىنا دەيىن) اۆتوكولىكتىڭ بارلىق تۇرلەرى ءۇشىن قوزعالىسقا شەكتەۋ ەنگىزىلگەن بولاتىن.