قازاقستاندىق فيلم قىرعىزستاندا وتكەن كينوفەستيۆالدە باس جۇلدە الدى

استانا. قازاقپارات - قازاقستاندىق جاس رەجيسسەر دارحان تولەگەنوۆتىڭ «تاڭعى جۇلدىزدىڭ ساۋلەسى» فيلمى «قىرعىزستان - قىسقا مەتراجدى فيلمدەر ەلى» اتتى ت م د، بالتيا جانە گرۋزيانىڭ V حالىقارالىق كينوفەستيۆالىندە باس جۇلدەنى جەڭىپ الدى، - دەپ حابارلايدى Tengrinews.kz ءتىلشىسى.

سونىمەن قاتار، ءادىل قازىلار القاسى «قازىلاردىڭ ارنايى نازارى» سىيلىعىن ۇزدىك ونەرى ءۇشىن اكتەر ەربولات اتابايعا بەرۋ تۋرالى شەشىم شىعاردى، ول بۇل فيلمدە باستى ءرولدى سومداعان. حالىقارالىق باعدارلاماعا ءتۇرلى ەلدەن بارلىعى 13 جۇمىس كىردى.

ءادىل قازىلار القاسىنىڭ ءتوراعاسى - كينو رەجيسسەر، سەناريشى ءالي حامرايەۆ. قازىلار القاسىنىڭ قۇرامىندا قازاقستاندىق بەلگىلى رەجيسسەر، «باستاۋ» كينو فەستيۆالىنىڭ پرەزيدەنتى سەرگەي ءازىموۆ بولدى. «مويىنداعىم كەلەدى، ماعان ول ءۇشىن ءوز ۇستانىمىمدى تىقپالاۋدىڭ قاجەتى بولعان جوق. بارلىعى ءبىر اۋىزدان دەۋگە بولادى، سول كارتيناعا ءوز داۋىستارىن بەردى»، - دەدى كينەماتوگرافشى سەرگەي ءازىموۆ.

ايتا كەتەيىك، دارحان تولەگەنوۆ جۇرگەنوۆ اتىنداعى ونەر اكادەمياسىنىڭ 4-كۋرسىندا وقيدى.