ستۋدەنت تۋرالى ازىلدەر
قالاي دەسەك تە، ەمتيحان ءبىلىمىڭدى تەكسەرەتىن ءسات. جاقىنداعان سايىن ءبىرى - قورقىپ، قينالسا، ەكىنشىسى - قۋانىپ، دەمالىستى كۇتەدى. اركىمنىڭ ويى ءار قيلى. نە دە بولسا، بارلىق ستۋدەنت قاۋىمىنا ساتتىلىك تىلەي وتىرىپ، ەمتيحانعا بايلانىستى ازىلدەر توبىن ۇسىنامىز.
***
ستۋدەنت اسحاناعا كىرسە، جالعىز عانا ورىن بار ەكەن. بارىپ وتىرا قالسا، قارسى ورىندىقتاعى پروفەسسور:
- بۇركىت پەن شوشقا قاتار وتىرمايدى - دەيدى.
- كەشىرىڭىز، مەن ۇشىپ كەتەيىن - دەپ ەكى قولىن قانات ەتىپ قاعىپ تۇرىپ كەتەدى.
سوزدەن ۇتىلعان پروفەسسور ەمتيحان قابىلداۋعا كەلەدى. الگى ستۋدەنتتى قۇلاتۋ ءۇشىن سۇراقتىڭ استىنان السا دا، ول بارىنە دۇرىس جاۋاپ بەرەدى. سوسىن مىناداي سۇراق قويادى:
- سەنىڭ جولىڭدا ەكى ساندىق جاتتى دەلىك. ءبىرى تولا التىن، ەكىنشىسىندە اقىل. قايسىسىن تاڭدايسىڭ؟
- التىندى تاڭدايمىن، ارينە!
- مەن اقىلدى تاڭداعان بولار ەدىم - دەيدى پروفەسسور.
- اركىم وزىندە جوعىن تاڭدايدى عوي، - دەپ ستۋدەنت تاعى دا قاتىرىپ كەتەدى. پروفەسسور ابدەن ىزالانىپ ونىڭ سىناق كىتاپشاسىنا «تەنتەك» دەپ جازىپ بەرەدى. ونى قاراماستان الادى دا ستۋدەنت شىعىپ كەتەدى. پروفەسسور ءماز بولىپ وتىرسا، سالدەن كەيىن ستۋدەنت قايتىپ كەلىپ بىلاي دەگەن ەكەن:
- پروفەسسور اعاي، ءسىز باعا قوياتىن جەرگە شاتاسىپ، ءوز اتى- ءجونىڭىزدى جازىپ قويىپسىز، -دەيدى.
***
زوولوگيا عىلىمىنىڭ ءبىر ستۋدەنتى ءبيتتىڭ قۇرىلىسىن جاقسى بىلەدى ەكەن. ەمتيحاندا قانداي سۇراق كەلسە دە كىرىستىرىپ ايتا بەرەتىن كورىنەدى. «ءبيت - ادامنىڭ جانە سۇتقورەكتىلەردىڭ قانىن سورىپ تىرشىلىك ەتەتىن ۇساق جاندىكتەر توبى. ونىڭ 3 جۇپ كەلتە اياقتارى بار، ولاردىڭ ۇشىندا ماتاعا نەمەسە شاشقا جابىسۋعا بەيىمدەلگەن يمەك تىرناقتارى جاقسى جەتىلگەن» دەپ ايتا جونەلەدى ەكەن. ءبىر ەمتيحاندا قوي كەلىپ قالىپتى. «قوي دەگەن ءشوپ جەيتىن، ءتورت اياقتى جانۋار. قويدىڭ ەتى ءتاتتى بولادى. ۇستىندە ءجۇنى بار. ال ءجۇن بولعان جەردە ءبيت بولادى» دەپ ءبيتتىڭ قۇرىلىسىن ايتىپ كەتەدى ەكەن. ءبىر كۇنى ەمتيحان الاتىن پروفەسسور اشۋى كەلىپ، بۇعان ءجۇنى جوق جانۋاردان بەرەيىن، ءبىر قاتىرايىن دەپ ستۋدەنتكە بالىقتىڭ قۇرىلىسىن بەرەدى. ستۋدەن ءسال ويلانىپ تۇرىپ:
- بالىقتار نەگىزىنەن سۋداعى تىرشىلىككە بەيىمدەلگەن جانۋارلار. ءجۇزۋ جاعىنان ولار وزگە جانۋارلاردان اسىپ تۇسەدى. ولار وكپە ارقىلى ەمەس، جەلبەزەك ارقىلى تىنىس الادى. بالىقتىڭ ۇستىندە ءجۇن بولمايدى، ءاي ءبىراق ءجۇن بولعاندا وندا ءبيت بولاتىن ەدى، - دەپ، تاعى ءبيتتىڭ قۇرىلىسىن ايتىپ كەتىپتى.
***
ستۋدەنت ەمتيحاندا جاۋاپ بەرە الماي قالادى دا، پروفەسسور وعان:
- امال نە، سىزگە ەكىلىك قويۋىما تۋرا كەلەدى، - دەيدى. سوندا ستۋدەنت:
- وندا ماعان اسىلىپ ولۋدەن باسقا امال جوق، - دەپ قالتاسىنان ارقان شىعارا باستايدى. پروفەسسور ءسال جۇمسارادى.
- جارايدى، تاپسىرماساڭىز دا، ۇشتىك قويايىن. ستۋدەنت جايلاپ ارقاننان تۇزاق جاساي باستايدى. پروفەسسور قورقىپ كەتەدى.
- جاقسى، جاقسى! ءتورت قويايىن! ستۋدەنت وعان نازار اۋدارماستان ءوز ىسىن جالعاستىرا بەرەدى. پروفەسسوردىڭ مۇلدە ەسى كەتەدى.
- بولدى، بولدى! مىنە، ساعان بەستىك باعا قويدىم! - دەپ سىناق كىتاپشاسىن ۇسىنادى. وسىدان كەيىن عانا ستۋدەنت ارقانىن جيناپ، شىعۋعا بەت الادى. پروفەسسور «ۋح!» دەپ ءبىر دەم الىپ:
- ارقانىڭىزدى وسىندا تاستاپ كەتۋىڭىزگە بولادى - دەسە، ستۋدەنت:
- جوق تاستاي المايمىن، الدا ءالى ءتورت ەمتيحانىم بار! - دەپتى.
***
- ستۋدەنت الپىسبايەۆ، ءسىز نەگە مەنى تىڭداماي وتىرسىز؟ - دەيدى پروفەسسور:
- مەن ءسىزدى تىڭداپ وتىرمىن پروفەسسور - دەيدى ستۋدەنت.
- ولاي بولسا مەنىڭ سوڭعى ايتقاندارىمدى قايتالاڭىز.
- ستۋدەنت الپىسبايەۆ، ءسىز نەگە مەنى تىڭداماي وتىرسىز.
***
ءدارىسحانا. ەمتيحان ءوتىپ جاتىر. پروفەسسور ستۋدەنتتىڭ باعاسىن «ۇشكە» كوتەرمەلەۋ ءۇشىن سۇراقتار بەرىپ جاتىر:
- جارايدى. ايتشى، دارىستەردە نە جونىندە وقىلدى؟
ستۋدەنت ۇندەمەيدى.
- وندا.. .. . دارىستەردى كىم وقىدى. سونى ايتشى؟
ستۋدەنت ۇندەمەيدى.
- باعىت- باعدار بەرەيىن: سەن نەمەسە مەن؟
***
ءدارىسحانا. ەمتيحان ءوتىپ جاتىر. پروفەسسور ستۋدەنتكە:
- اتى- ءجونىڭىز كىم؟
ستۋدەنت كۇلىمدەپ:
- ەربول بەكجانوۆ.
پروفەسسور:
- ءسىز نەگە كۇلىمدەپ تۇرسىز؟
ستۋدەنت:
- ءبىرىنشى سۇراققا دۇرىس جاۋاپ بەرگەنىمە ريزامىن.
***
ءدارىسحانادا ەمتيحان ءوتىپ جاتىر. كەلەسى ءبىر ستۋدەنت كەلگەندە پروفەسسور ونىڭ ءابىرجىپ تۇرعانىن بايقاپ:
- ءسىز نەگە سونشاما ءابىرجىپ تۇرسىز؟ مەنىڭ سۇراقتارىمنان قورقاسىز با؟
ستۋدەنت:
- جوق، مەن ءوزىمنىڭ جاۋاپتارىمنان قورقىپ تۇرمىن.
***
ماتەماتيكا پانىنەن قابىلداۋ ەمتيحانى ءوتىپ جاتىر. ءبىرىنشى تالاپكەر كىرەدى:
- ەكى قوسۋ ەكى قانشا بولادى؟
- ءۇش!
- جوق!
- بەس!
- جوق!
- التى!
- دۇرىس ەمەس! ءيا.. .. اقىماق، ءبىراق ىزدەنىمپاز.. .. قابىلدايمىز!
ەكىنشى تالاپكەر كىرەدى:
- ەكى قوسۋ ەكى قانشا بولادى؟
- ءۇش!
- جوق!
- ءۇش!
- جوق!
- ءۇش!
- دۇرىس ەمەس! ءيا.. .. اقىماق، ءبىراق بەتباق.. .. قابىلدايمىز!
ءۇشىنشى تالاپكەر كىرەدى:
- ەكى قوسۋ ەكى قانشا بولادى؟
- ارينە، ءتورت!
- ءيا.. .. اقىلدى، ءبىراق ورىن جوق!
***
ەكى ستۋدەنت ءدارىسحانادا باقىلاۋ جۇمىسىن ورىنداپ وتىر. ءبىرى ەكىنشىسىنەن سۇراپ جاتىر:
- سەن ءبارىن دە شىعاردىڭ با؟
- جوق، تازا پاراق وتكىزدىم.
- سەن نەمەنە؟ ەندى ولار ءبىر- بىرىنەن كوشىرگەن دەپ ويلايدى عوي .. .
***
ستۋدەنت سىناق تاپسىرۋعا كىرەدى. پروفەسسوردىڭ الدىنا ءبىر بوتەلكە اق قاينار قويادى.
- ەندى، قاناعاتتانارلىق.. .
ستۋدەنت ءبىر قوراپ كونفەتتى قويادى.
- ەندى، جاقسى.. .
ستۋدەنت وتە ءبىر ادەمى ءساندى قالامدى قويادى.
پروفەسسور:
- وتە جاقسى، سىناق كىتاپشاڭدى اكەل، - دەپ جازىپ بەرەدى.
ستۋدەنت:
- جاقسى، ەندى فيزيكانى تاپسىرۋعا بارايىن، - دەپ ءبارىن جيىستىرىپ پاكەتكە سالىپ، ءدارىسحانادان شىعىپ كەتىپتى.
***
ەكى ستۋدەنت كەزدەسىپ قالادى. ءبىرىنشىسى ەكىنشىسىنەن:
- قايدا اسىعىپ بارا جاتىرسىڭ؟
- ەمتيحانعا!
- ەمتيحانىڭ قاي پاننەن؟
- بارعاسىن ايتادى عوي.. .
***
فيزيكا ءپانى بويىنشا «5» باعاسىنىڭ سۇراعى:
- كەرنەۋدى نەمەن ولشەيمىز؟
فيزيكا ءپانى بويىنشا «4» باعاسىنىڭ سۇراعى:
- كەرنەۋ ولشەنەدى:
ا) ۆولتمەتر
ءا) امپەرمەتر
فيزيكا ءپانى بويىنشا «3» باعاسىنىڭ سۇراعى:
- كەرنەۋ ۆولمەترمەن ولشەنەدى مە؟
massaget.kz