ق ر باس پروكۋراتۋراسى استانانىڭ ەڭ قاۋىپتى جەرلەرىن اتادى

قازاقستاندا «قىلمىستىق كارتا» ينتەرنەت-پورتالى ارقىلى استانانىڭ عانا ەمەس، كەز كەلگەن ءوڭىردىڭ قىلمىستىق احۋالى تۋرالى ءبىلىپ وتىرۋعا بولادى.

بۇل تۋرالى بۇگىن ورتالىق كوممۋنيكاتسيالار قىزمەتىندە ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپ كوميتەتىنىڭ ءتوراعاسى ساۋلە ايتپايەۆا ءمالىم ەتتى.

«قىلمىستىق كارتادا» قىلمىستىق احۋالى ۋشىققان جەرلەر قىزىلمەن بەلگىلەنەدى، سودان كەيىن سارعىلت، سارى جانە جاسىل تۇستەر كەتەدى. ماسەلەن، استانانى قارايتىن بولساق، قىلمىسى كوپ اۋدان رەتىندە تەمىرجول ۆوكزالى ماڭى كورسەتىلگەن»، - دەپ اتاپ ءوتتى س. ايتپايەۆا.

قازىرگى ۋاقىتتتا اتالمىش پورتال ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپ كوميتەتىنىڭ سايتىندا ورنالاسقان. جوبانى تولىق ىسكە اسىرۋ ماقساتىندا 8 مونوقالالار مەن 250 اۋداندىق ورتالىقتار كىرگىزىلمەك. كارتاعا بارلىق ءىرى ەلدى مەكەندەر ەنەتىن بولادى.

«كورىپ وتىرعانىمىزداي وسى اۋداندا ۇرلىق، توناۋ، بۇزاقىلىق سانى كوبىرەك. ءاربىر فاكتىنى جەكە- جەكە تالداپ قاراي الامىز»، - دەپ ناقتىلادى س. ايتپايەۆا.

اۆتور: جاسۇلان جولدىبايەۆ