بۇگىن استاناداعى «كورمە» كەشەنىندە ءابىش كەكىلباي ۇلىن اقتىق ساپارعا شىعارىپ سالۋ قارالى جيىنىندا كورنەكتى عالىم، اكادەميك سەرىك قيرابايەۆ وسىلاي ايتتى.
«ءابىشتىڭ كىم ەكەنىن قازاق حالقى جاقسى بىلەدى. ءوزىنىڭ الىپ تالانتىمەن، قوعامدىق جانە مەملەكەتتىك قىزمەتىمەن تاۋەلسىزدىك جىلدارىندا ءابىش حالقىنا ادال قىزمەت ەتتى. بارلىق جازۋشىلىعىن دا، تالانتىن دا وسى تاۋەلسىزدىكتى تۇسىندىرۋگە، ورنىقتىرۋعا جۇمسادى. سونىمەن بىرگە ول سوزگە شەشەن، تاپقىر، العىر، وتە ەپتى تۇلعا ەدى. سوندىقتان ونى ۇلى بيلەردىڭ ءداستۇرىن بەرىك بويدا سىڭىرگەن ادام دەپ قارايتىن ەدىك»، - دەدى اكادەميك.
سونىمەن قاتار س. قيرابايەۆ ءوز سوزىندە ءابىش كەكىلباي ۇلىمەن سوڭعى كەزدەسۋى جايىندا ايتىپ بەردى.
«وسىدان ەكى اي بۇرىن ەكەۋمىز كەزدەسكەن ەدىك. ەشكىم بىزگە بوگەت بولعان جوق. سول كەزدە ەكەۋمىز سىرلاسىپ، شەرىمىزدى ءبىر تارقاتىپ قايتىپ ەدىك. قوش ءابىش! جانى ءجانناتتا بولسىن!»، - دەپ تەبىرەندى عالىم.
اۆتور: رۋسلان عابباسوۆ