بۇگىن «قازاقستاندى جاڭا يندۋستريالاندىرۋ. 2015 -جىل قورىتىندىسى» اتتى جالپىۇلتتىق تەلەكوپىردەن كەيىن ق ر پرەزيدەنتى نۇرسۇلتان نازاربايەۆ وسىلاي ءمالىم ەتتى.
«بارشا الەمدەگى ماقسات - ول جۇمىس ورىندارىن قۇرۋ. بۇل بۇكىل الەم ءۇشىن پروبلەما بولادى. نەلىكتەن بارلىعى قونىس اۋدارۋدا، ياعني بۇگىندە بۇكىل ەۋروپا نە ءۇشىن شايقالىپ جاتىر؟ سەبەبى، ادامداردا ءوز وتاندارىندا جۇمىستارى جوق. بۇل تۇرعىدا ولار وتباسى مەن بالالارىن قالاي اسىراي الادى؟ ءبىزدىڭ قۇرۋىمىز ءتيىس جۇمىس ورىندارى مەملەكەتتىڭ باستى ماقساتى. ادامنىڭ مىندەتى وسى ورنىندا قىزمەت ەتۋ، وتباسىن اسىراۋ جانە ءوزىنىڭ تۋعان مەملەكەتىن قولداۋ»، - دەپ اتاپ ءوتتى مەملەكەت باسشىسى.
ن. نازاربايەۆ «جالپىعا بىردەي تەگىن كاسىبي- تەحنيكالىق ءبىلىم بەرۋ» جوباسى تۋرالى ايتا كەلە، بۇگىندە بارشاسىنا ءبىرىنشى ماماندىقتى تەگىن وقىتاتىن مەملەكەت جوق ەكەنىن جەتكىزلدى.
«مەكتەپتى ءتامامداعاننان كەيىن جۇمىس ىستەگىڭ كەلسە، مەملەكەت كەرەكتى ماماندىقتى اقىسىز مەڭگەرۋگە مۇمكىندىك بەرەدى. جاستار وزدەرىن قاۋىپسىزدەندىرۋ ءۇشىن ءبىرىنشى ماماندىقتى الۋ ءۇشىن ۇمتىلۋى كەرەك. بۇل ماڭىزدى الەۋمەتتىك جوبا دەپ پايىمدايمىن»، - دەدى ەلباسى.