قىس كەزىندە سۋىق ءتيىپ قالۋدان قورىققان كوپتەگەن ادامدار تازا اۋادا مەيىلىنشە از ۋاقىت وتكىزۋگە تىرىسادى. نەگىزى، بۇل قاتەلىك. كەرىسىنشە، تازا اۋادا دەمالۋ ادام اعزاسى ءۇشىن وتە پايدالى.
قىس كەزىندەگى فيزيكالىق بەلسەندىلىك ءبىزدىڭ اعزامىزدىڭ نىعايا تۇسۋىنە، تۇماۋعا قارسى تۇرۋعا، جاز كەلگەنشە كۇش جيناۋعا كومەكتەسەدى. قىس كەزىندە كونكي تەبۋ ارقىلى ادامدار دەنساۋلىعىن جاقسارتىپ قانا قويماي، كوتەرىڭكى كوڭىل- كۇيدە بولادى.
كونكي تەبۋدەگى قيىندىقتان قۇتىلۋ ءۇشىن قاراپايىم ەرەجەرلەردى ساقتانعان دۇرىس.
كونكي تەبۋدى ەندى باستاپ جۇرگەن فيگۋريستتەر ءۇشىن روليكتى تەبۋگە ارنالعان ەكيپيروۆكا دا جاراي بەرەدى. سونىمەن قاتار، مۇزداعى اۋا تەمپەراتۋراسى تومەن بولعاندىقتان، مەيىلىنشە جىلى كيىنگەن دۇرىس.
ال اياق كيىمگە وتە مۇقيات قاراعان ءجون! ەگەر اياعىڭىزعا كونكي باتىڭكەسىن دۇرىستاپ كيمەسەڭىز، توبىعىڭىزدى شىعارىپ، اياعىڭىزدى جاراقاتتاپ الۋىڭىز مۇمكىن. كونكيدى دۇكەننەن ساتىپ الۋعا تىرىسىڭىز.
مۇز ايدىندا جۇرگەندە مەيىلىنشە ساق بولىڭىز، اينالاداعى ادامدارعا قارايلاپ، ولارمەن سوقتىعىسىپ قالماۋعا تىرىسىڭىز. تاعى ءبىر ەستە ۇستايتىن نارسە، ايدىنعا الكوگول ءىشىپ بارۋدىڭ قاجەتى جوق، سوندىقتان سپيرتتىك ىشىمدىكتەردەن باس تارتىڭىز. سونىمەن قاتار، ءۇش اينالىپ سەكىرۋدى ورىندايمىن دەپ اۋرە بولماي، تەك دوستارىڭىزبەن سەرۋەندەپ، كوڭىل كوتەرىپ قايتىڭىز.
پايدالى جاقتارى
كونكي تەبۋدىڭ پايداسى وراسان زور. مۇز ايدىنىندا نەبارى ءبىر ساعات كونكي تەبۋ بىرنەشە ساعات بويى جۇگىرگەندە كەتەتىن كالوريانى كەتىرەدى. كونكيمەن سىرعاناۋ كەزىندە تىزە كوپ جاراقاتتانبايدى. كونكي تەبۋ اياق پەن سان جانە جامباستاعى بۇلشىق ەتتەردى دامىتادى. سونىمەن قاتار، كونكي تەبۋ كەزىندە ارقاداعى جانە ىشتەگى بۇلشىق ەتتەر شيرىعادى. كونكيمەن جۇيەلى تۇردە سىرعاناۋ اعزانىڭ ءتوزىمدى بولۋىنا اكەلەدى. ال تازا اۋادا كونكي تەپكەن كەزدە اعزا قاتايا تۇسەدى. ودان بولەك، فيزيكالىق بەلسەندىلىك جاعىمدى كوڭىل- كۇي سىيلايدى. كوپ قوبالجيتىن ادامدارعا دارىگەرلەر كونكيدى جۇيەلى تۇردە تەۋىپ تۇرۋعا كەڭەس تۇرادى. بۇل كوڭىل- كۇيدى كوتەرىپ تاستايدى.
كونكي تەبۋدىڭ بالالار ءۇشىن پايدالى تۇسى
اعزاسى ەندى دامىپ جاتقان بالالار ءۇشىن كونكي تەبۋدىڭ پايداسى ۇلكەن. پايدادان بولەك، كوڭىل كوتەرۋدىڭ دە كەرەمەت ءادىسى. ايتپاقشى، كوپتەگەن تانىمال فيگۋريستتەر بالا كەزىندە وتە ءالسىز بولعاندىقتان، دەنساۋلىقتارىن نىعايتۋ ءۇشىن مانەرلەپ سىرعاناۋمەن اينالىسقان. كونكي تەبۋ بالانىڭ دەنەسىن تىك ۇستاپ، بۇلشىق ەت جۇيەسىن قالىپتاستىرۋعا، ۆەستيبۋليارلى اپپارات پەنتىنىس الۋ جۇيەسىن رەتتەۋگە كومەكتەسەدى. اسىرەسە، وتپەلى كەزەڭدەردە جۇيەلى تۇرلە كونكي تەبۋ بالانىڭ وزىنە دەگەن سەنىمىن كۇشەيتەدى.
كونكي تەبۋ - بۇل سەرگەك ءارى دەنى ساۋ بولىپ جۇرۋگە سەبەپكەر بولاتىن تاماشا جاتتىعۋ بولىپ سانالاتىنىن ۇمىتپاڭىز.
كەرى اسەرلەرى
جاراقات. جاڭادان باستاعان فيگۋريست جاراقاتتان قاشىپ قۇتىلمايدى. ادەتتە، بۇل جاراقاتتار قاتى اۋىر بولمايدى. قول مەن اياق جانە باستان العان كىشىگىرىم جاراقاتتار تەز جازىلادى. ەگەر وسىنداي جاراقات بولسا، دەرەۋ اۋىرسىنىپ تۇرعان جەرگە مۇز باسىپ، اۋرۋدىڭ بەتى قايتقانشا وتىرا تۇرعان ءجون. سونىمەن قاتار، ءاربىر 10-15 مينۋت سايىن جاراقاتتى باقىلاعان دۇرىس. ەگەر باسىڭىز اينالماسا، جاتتىعۋدى قايتا جالعاستىرا بەرىڭىز. جاراقاتتىڭ الدىن الۋعا ءبىزدىڭ كەڭەستەرىمىز كومەكتەسەدى.
سەكىرۋ تەحنيكاسىن مەڭگەرگەن كەزدە ءسىڭىردىڭ سوزىلۋىنان باستاپ، اياقتىڭ سىنۋىنا دەيىنگى ءتۇرلى جاراقاتتار بولادى.
كەڭەستەر confederation.kz سايتىنان الىندى.