بۇل تۋرالى بريفينگ بارىسىندا استانا قالالىق پروكۋراتۋراسى ەكىنشى باسقارماسىنىڭ پروكۋرورى ەرلان بايمۇحامبەتوۆ ءمالىم ەتتى.
«رۋبل باعامىنىڭ قۇنسىزدانۋىنا بايلانىستى رەسەي فەدەراتسياسىنان كولىك ساتۋمەن اينالىساتىن كومپانيا اشىلعان. بۇل ءبىزدىڭ ازاماتتارىمىز رەسەيدەن ارزان كولىك الۋعا اعىلعان كەزدە ورىن الدى. مۇنى رەسەي ازاماتتارى پايدالانىپ، استانادان زاڭسىز بايۋ ماقساتىندا ر ف- دان اۆتوموبيل اكەپ ساتۋمەن اينالىساتىن ج ش س اشقان»، - دەدى پروكۋرور.
ونىڭ سوزىنە قاراعاندا، اتالعان الاياقتاردان كوپتەگەن ازاماتتارىمىز زارداپ شەككەن. بۇگىندە ولاردىڭ سانى 27 ادامعا جەتىپ وتىر.
«اتالعان باندانىڭ ءبىر مۇشەسى ۇستالدى. قازىرگى ۋاقىتتا اتالعان قىلمىستىق ءىستىڭ تەرگەۋ امالدارى اياقتالۋعا جاقىن. زارداپ شەگۋشىلەر كولىكتەرگە الدىن الا مول سوما تولەگەنىمەن، ونى الماعان»، - دەدى ە. بايمۇحامبەتوۆ.
اۆتور: مارلان جيەمباي