اۆتوردىڭ ايتۋىنشا، اسپانعا قاراي ورلەگەن ستەلا 25 قىردان تۇرادى، ولاردىڭ ءارقايسىسى 1991 -جىلدان وسى كۇنگە دەيىنگى تاۋەلسىزدىك جىلداردنىڭ سيمۆولى. حالىقتىڭ ساناسىندا قالعان اسپان كوگى، ءتاڭىر، سالت-داستۇرلەر ارحيتەكتۋرالىق بەينەگە نەگىز بولدى.
«وبيەكتىنىڭ ستيليستيكالىق شەشىمىن تاڭداۋ كەزىندە قاتاڭ گەومەتريالىق ۆەرتيكالدىڭ امبەباپ جانە ينتەرناتسيونالدى فورماسى قولدانىلعان. ال تيتان ماتەريالىنىڭ كۇمىس ءتۇستى اشىق بولۋى فۋتۋريستىك كوكجيەكتەرگە سايكەس كەلەدى جانە مەملەكەتتىڭ جاسامپازدىق جولداعى ىلگەرى قوزعالىسى رەتىندە تۇسىندىرىلەدى. اسپانعا ۇمتىلعان مونۋمەنت العا قويعان ماقساتتاردىڭ دا بەلگىسى بولىپ تابىلادى. بارشا الەمنىڭ بولاشاعى - بۇل شىعارماشىلىق رۋحتىڭ شىڭى. 25 قىر - تاۋەلسىزدىگىمىزدىڭ 25 جىلدىعى، قازىرگى زامانعى قازاقستاننىڭ تاريحىنداعى 25 ماڭىزدى وقيعا»، - دەلىنگەن نوبايدىڭ تۇسىندىرمە جازباسىندا.
سونىمەن قاتار، بايقاۋدا تاعى ءبىر ەسكيز- يدەيانىڭ اۆتورلارى ساعىندىق جامبولاتوۆ پەن اسحات جامبولاتوۆ (استانا ق. ) ەكىنشى ورىن الدى، دەپ جازادى ەلوردا اكىمدىگىنىڭ رەسمي سايتى.
ەسكيز- يدەيانىڭ تۇسىندىرمە جازباسىنان: «مونۋمەنت «ەركىن ەلدىڭ ەرتەڭى - بۋدۋشەە سۆوبودنوي سترانى» دەپ اتالادى. جوبا قاراپايىم، ىقشام جانە سەرپىندى فورمادا ورىندالعان. قازاقستان رەسپۋبليكاسىنىڭ 25 جىلدىعىنىڭ بەلگىسى بولىپ تابىلاتىن بيىكتىگى 25 مەترلىك مونۋمەنت كۆادرات ستيلوباتقا قويىلماق. مونۋمەنتتە «ءتورت قۇبىلاڭ تۇگەل بولسىن» دەگەن ماقساتپەن 4 بىردەي كىرەتىن جەر، 4 دوڭگەلەك گۇلزار، 4 جۇپتى تىرەك جاسالعان. جوعارعى جاعىندا سەگىزبۇرىشقا ۇشتاسقان يىلگەن فورمالار بار، بۇل «سەگىز قىرلى ءبىر سىرلى» دەگەندى بىلدىرەدى. كوككە ۇمتۇلعان ءتورت اق قانات - ەلىمىزدىڭ تاريحىنىڭ سيمۆولى تومەندە «قالاممەن» اياقتالادى.
ۇستىڭگى بولىگىندە قازاقستان رەسپۋبليكاسىنىڭ ەلتاڭباسى مەن تۋى بەينەلەنگەن. ويۋ- ورنەكتىڭ ورنىنا «ەركىن ەلدىڭ ەرتەڭى» دەپ جازۋ ۇسىنىلدى. جەڭىل «كەرەگە» مەن «شاڭىراقتىڭ» زاماناۋي ينتەرپرەتاتسياسى مونۋمەنتكە ۇلتتىق كولوريت بەرەدى.
ءۇشىنشى ورىن قازبەك ساتىبالديننىڭ (الماتى ق. ) ەنشىسىندە. ونىڭ ەسكيز- يدەياسىن (دومبىرا) استانا قالاسىندا قازاق ۇلتتىق حورەوگرافيا اكادەمياسىنىڭ الدىنا ورناتۋ ۇسىنىلدى.
ەسكيز- يدەيا اۆتورىنىڭ تۇسىندىرمە جازباسىنان: «مونۋمەنتتىڭ مۇسىندىك كومپوزيتسياسى دومبىرا ءپىشىندى. دومبىرا - قازاقتىڭ ۇلتتىق اسپابى. ونىڭ ورتاسىندا شاڭىراق كوتەرگەن قىران بەينەلەنگەن. قىران - قازاق دالاسىنىڭ سيمۆولى. ونى تانۋ وڭاي، ول ەلىمىزدىڭ باسىم بولىگىندە مەكەندەيدى. شاڭىراق ەجەلدەن قازاق حالقى ءۇشىن كيىز ءۇيدىڭ كونسترۋكتيۆتى ەلەمەنتى عانا ەمەس، كوپتەگەن سالت- جورالارمەن، سەنىم- نانىمدارمەن بايلانىستى نىسان بولىپ تابىلادى. شانىراق - قازان- وشاقتىڭ، ۇرپاقتىڭ جالعاسۋىنىڭ سيمۆولى. دومبىرانى قازاقستاننىڭ قالىپتاسۋى مەن دامۋىنىڭ بەلگىسى بارەلەف قورشاپ تۇر. تۇندە ىشىنەن دە سىرتىنان دا پروجەكتورلارمەن جارىقتاندىرىلادى. مونۋمەنت ماتەريالى - مەتالل، شىنى، بەتون، گرانيت. جالپى بيىكتىگى - 76 م».
قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان مونۋمەنتتىڭ ەسكيز- يدەياسىن تاڭداۋ بويىنشا وتكىزىلگەن اشىق رەسپۋبليكالىق بايقاۋعا قاتىسۋعا 66 ءوتىنىم كەلىپ ءتۇستى. استانا قالاسىنىڭ اكىمدىگى ءبىرىنشى ورىن العان مونۋمەنتتىڭ ەسكيز- يدەياسىن قازاقستان رەسپۋبليكاسىندا ورناتىلاتىن ەسكەرتكىشتەر مەن مونۋمەنتتەر جونىندەگى مەملەكەتتىك كوميسسيانىڭ قاراۋىنا جىبەرەدى. سودان كەيىن مونۋمەنت ورنالاساتىن جەر انىقتالادى، سەبەبى بايقاۋ شارتتارى بويىنشا اۆتورلارعا مونۋمەنت ورنالاساتىن ءۇش جەر ۇسىنىلعان بولاتىن.