دەنساۋلىق: كىمدەرگە ۆەلوسيپەد تەبۋگە بولمايدى؟

نۇر- سۇلتان. قازاقپارات - كەز كەلگەن سپورت تۇرلەرى سەكىلدى، ۆەلوسيپەد تەبۋ دە دەنساۋلىققا وتە پايدالى.

ەگەر ادام دەنساۋلىعىندا قانداي دا ءبىر اقاۋ جوق بولسا، ەگەر ول ازعانتاي ۋاقىتتا ۆەلوجارىستان وليمپيادا چەمپيونى بولۋعا دايىندالىپ جاتپاسا، ارينە. سالماق ءتۇسىرۋ پروتسەسىندە دە ۆەلوسيپەد تەبۋدىڭ پايداسى زور. تەك فيزيكالىق اۋىرتپالىقتار مەن تاماقتانۋ رەجيمىن اعزاڭىز كوتەرە الاتىن بولسىن.

قوس دوڭگەلەكتى ۆەلوسيپەدتە دايىندالۋ ەڭ الدىمەن شىدامدىلىقتى، سودان سوڭ، كۇشتى تالاپ ەتەدى.

ۆەلوسيپەد تەبۋ كەزىندە مىناداي وزگەرىستەر ورىن الادى:

- جۇيەلى تۇردە ۆەلوسيپەد تەبۋ جۇرەك پەن بۋىن قىزمەتىن جانە قان اينالۋ پروتسەسىن جاقسارتادى؛

- جالپى دەنە دايىندىعى جاقسارادى؛

- يممۋنيتەت جوعارىلايدى؛

- ۆەلوسيپەد تەبۋ كەزىندەگى دەنەنىڭ ەرەكشە قيمىلداۋى اسەرىنەن جامباستاعى قان اينالىم مولشەرى ارتادى. سودان سوڭ، ارينە، كوپتەگەن دەرتتەردىڭ الدىن الادى.

- وكپە تازارادى. ارينە، ول ءۇشىن ءسىز ۆەلوسيپەدتپەن ءجۇرىپ وتەتىن باعىتىڭىزدى دۇرىس تاڭداۋعا ءتيىسسىز (ماسەلەن، تابيعات اياسىنا شىعۋ). بۇل كەزدە تەرىگە كوپ وتتەگى ءسىڭىپ، مي تازا اۋامەن دەمالادى.

- كوزدەگى ارتىق سالماقتان ارىلتادى (ۆەلوسيپەدپەن جۇرگەن جارتى ساعات ىشىندە 330 عا جۋىق كالوريا جويىلادى). ماي قاباتتارىن جۇمساۋ ءۇشىن پەدالدى قارقىندى تۇردە 30 مينۋت بويى اينالدىرۋ كەرەك. الدىمەن الما كەزەك تەز ءارى جاي ءجۇرۋدى رەتتەڭىز: 10 مينۋت بويى اسىقپاي، باپپەن ءجۇرىڭىز دە، كەيىنگى 5 مينۋتتا قۇددى ۆەلوشاباندوز سەكىلدى تەز ءجۇرىڭىز. سودان كەيىن قايتادان ءبىرقالىپتى كۇيگە ءتۇسىپ، جىلدام جۇگىرۋگە قايتا كوڭىل ءبولىڭىز.

- ايتپاقشى، پەدالدى 70-80 اينالىم جيىلىگىمەن اينالدىرۋ ۆاريكوزدى تامىرلاردى كەڭەيتىپ، ۇزىندىعى ءارتۇرلى اياقتاردى تەڭەستىرۋگە دە كومەكتەسەدى.

- رۋلى جوعارى ورنالاسقان ۆەلوسيپەد ارقاڭىزدى تىك ۇستاۋعا سەرپىن بەرەدى. سونداي-اق، ارقا بۇلشىق ەتتەرى دە شىنىعا تۇسەدى.

ءبارى دە ءوز مولشەرىمەن ورىندالسا، ناتيجە دە كوپ كۇتتىرمەيدى. رەكورد ورناتامىن دەپ تالپىنۋدىڭ قاجەتى جوق. ەگەر ۆەلوسيپەدتى دۇرىس تەپپەسەڭىز، ءتۇرلى اۋرۋلاردى جاماپ الۋىڭىز مۇمكىن. اسىرەسە، تىزەڭىزگە تۇسەتىن سالماق كوپ بولادى. سول سەبەپتى، ولاردى ۇنەمى جىلى ۇستاپ، ۇزاق ساپاردان كەيىن اعزاڭىزعا دەمالىس بەرۋدى ۇمىتپاڭىز.

سۋدى مەيىلىنشە مولىراق ءىشىڭىز. ويتكەنى، ۆەلويسپەدپەن جۇرگەندە اعزاداعى سۋ كوپ شىعىندالادى. ءبىراق سۋ ءىشۋ رەجيمىن دە ءوز دەنساۋلىعىڭىزعا قاراي رەتتەڭىز.

كىمدەرگە ۆەلوسيپەد تەبۋگە بولمايدى؟

ۆەستيبۋليارلى اپپارات سىرقاتتارىمەن اۋىراتىن ادامدارعا، سونداي-اق، ارقا ومىرتقاسىنىڭ قيسايۋى جانە ومىرتقا اراسىنداعى جارىق بايقالعان جاندارعا ۆەلوسيپەد تەبۋگە بولمايدى. پروستاتيت پەن پروستات كالسيناتىمەن اۋىراتىندار ءۇشىن دە ۆەلوسيپەد تەبۋگە رۇقسات ەتىلمەيدى. وستەوحاندروز، مەنيسك، ۆاريكوز جانە باسقا دا سىرقاتى بارلاردىڭ ۆەلوسيپەدكە اۋەستەنبەگەنى ءجون. جۇرەك جانە جۇرەك قان تامىرلارى سىرقاتى تابىلعان جاندارعا دا ۆەلوسيپەد تەبۋگە رۇقسات جوق!

اقپارات ق ر سپورتتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ confederation.kz سايتىنان الىندى.