ول Craigslist ينتەرنەت-سايتىنا «تاستاندى بالا» ساتىپ الاتىنى تۋرالى جارناما ورنالاستىرعان، دەپ حابارلايدى Reuters وكرۋگتىك شەريف ورىنباسارى ەپيفانيو رودريگەستىڭ سوزىنە سۇيەنە وتىرىپ.
اتلانتا ماڭىنداعى شاعىن قالانىڭ 47 جاستاعى تۇرعىنى ءوزىنىڭ 14 جاستاعى قىزىنا بالا، ياعني وزىنە نەمەرە ساتىپ الۋعا ارەكەتتەنگەن ەكەن. « قىزىم بالالى بولعىسى كەلدى، ول ماقساتىنا سايتتىڭ كومەگىمەن دە، كومەگىنسىز دە قول جەتكىزەر ەدى»، دەپ مويىندادى كەلىنشەك پوليتسيادا جاۋاپ الۋ كەزىندە. ول سونداي-اق بالا ساتۋشىلاردىڭ ەسىمى قاتاڭ قۇپيادا قالاتىنىنا كەپىل بەرگەن.
مۇنداي سوراقى جارنامانى سايت اكىمشىلىگى دەرەۋ ءوشىرىپ تاستاعان. الايدا ينتەرنەت پايدالانۋشىلاردىڭ ءبىرى ونى سۋرەتكە ءتۇسىرىپ، قۇقىق قورعاۋشىلارعا جولداپ ۇلگەرگەن. اناسى مەن كامەلەت جاسىنا تولماعان قىزىنا بىردەي ايىپ تاعىلدى - جارناما بەرۋ ەرەجەسىن بۇزۋ جانە بالا ساتۋعا ۇگىتتەۋ. قىز بالا تۋعان-تۋىستارىنىڭ باقىلاۋىمەن بوستاندىققا جىبەرىلدى. ونىڭ ءىسىن جاسوسپىرىمدەر ءىسى جونىندەگى سوت قارايتىن بولادى. ال اناسى سوتقا دەيىن تەمىر توردىڭ ارعى بەتىندە قالادى.
BAQ.kz