قايرات نۇرتاس مەشىت سالماق
15:19, 07 - جەلتوقسان 2015
استانا. قازاقپارات - ءانشى قايرات نۇرتاس مەشىت سالماق. بۇل تۋرالى «قازاقستان» ۇلتتىق ارناسىنىڭ «دارا جول» باعدارلاماسىنا قوناققا كەلگەن قايراتتىڭ دوسى رينات باسيتوۆ ايتىپ بەردى.
«قايرات بىرەۋدىڭ ءبىر جاقسىلىعىنا مىڭ جاقسىلىق جاسايتىن ادام. كەلەر جىلى اۋىلعا مەشىت سالسام دەگەن نيەتى دە بار»، - دەپ ر. باسيتوۆ قايراتتىڭ يماندىلىعى جايلى سىرىمەن ءبولىستى.
كوپتەگەن ەسترادا جۇلدىزدارى ايتىپ جۇرگەندەي، قايرات نۇرتاس كەز-كەلگەن اداممەن ەتەنە ارالاسىپ كەتۋگە دايىن تۇرادى ەكەن. مۇنى رينات دوسى دا راستادى.
«مەن قايراتتاي دوسىمنىڭ بار ەكەنىدىگىنە وكىنبەيمىن. ونىڭ جۇرەگى نازىك، تازا. ادامدارمەن وتە جاقسى ارالاسا الادى»، - دەپ دوسىنىڭ ادامگەرشىلىگى جايلى ايتىپ ءوتتى.
ايتا وتەيىك، قايرات نۇرتاس وتكەن سەنبى كۇنى وتباسى جانە دوستارىمەن بىرگە «قازاقستان» ۇلتتىق ارناسىندا بەلگىلى جۋرناليست دانا نۇرجىگىت جۇرگىزەتىن «دارا جول» باعدارلاماسىنا قوناققا كەلگەن بولاتىن.
BAQ. KZ