بۇنداي اقپاراتتاردىڭ 99 پايىزعا جۋىعى تۆيتتەر جەلىسى ارقىلى تاراتىلىپ وتىرعانى ايتىلادى. ماماندار مۇنىڭ سەبەبىن تۆيتتەر قولدانۋشىلارىنىڭ بىرنەشە اككاۋنت اشىپ الۋىنا توسقاۋىل جوقتىعىمەن بايلانىستىرادى
يبراحيم اس- سۋحايمي ەسىمدى سوتسيولوگ عالىمنىڭ مالىمدەۋىنشە، زەرتتەۋ جۇرگىزىلگەن 6,38 ميلليون توپتىڭ ىشىندە 94,6 پايىزىنان ادامگەرشىلىككە جات مىنەز تانىلسا، 4 پايىزى - ساياسي تەرىس باعىتتا بولعان. ال، ءدىني تەرىس اعىمداعىلاردىڭ ۇلەس سالماعى 0,55 پايىزدى قۇراعان.
«ناتيجەسىندە، بۇلاردى كورىپ، تىڭداپ وسكەن جاستاردىڭ يسلام ءدىنىن قاتە تۇسىنەتىنى شىندىق. نەمەسە ادەپسىزدىككە بوي الدىرىپ، ءناپسىقۇمار بولىپ شىعادى» ، - دەپ اتاپ ءوتتى اس- سۋحايمي.
ونىڭ ايتۋىنشا، الەۋمەتتىك جەلىلەر اراسىندا كوپبالالى بولۋعا قارسىلىق تانىتىپ، نەكەگە مۇمكىندىگىنشە كەش وتىرۋعا ۇگىتتەپ، ۇلتتىق الاۋىزدىقتى قوزدىراتىن دا توپتار بارشىلىق كورىنەدى.
.. . «تاياقتىڭ ەكى ۇشى بولاتىنى» ءتارىزدى، الەۋمەتتىك جەلىنىڭ الەگى دە، تيگىزەر كومەگى دەپ كوپ. الايدا، وزدەرىڭىز وقىعانداي، جات پيعىلدى جانداردىڭ بۇل مۇمكىندىكتى وزدەرىنىڭ تەرىس ماقساتتارىنا قولداناتىنى ءسوزسىز. اللا تاعالا اداسۋدان ساقتاسىن!