3 -جەلتوقساندا گرۋزيانىڭ ادىلەت مينيسترلىگى ەل پرەزيدەنتىنە م. سااكاشۆيليدى گرۋزيالىق ازاماتتىقتان ايىرۋ ۇسىنىسىن جاسادى.
بۇل تۋرالى ادىلەت ءمينيسترى تەيا سۋلۋكياني مالىمدەدى.
«ءبىز ميحايل سااكاشۆيليگە ونىڭ ازاماتتىعىن توقتاتۋ بويىنشا ءوز ۇستانىمىن ايتۋدى ۇسىندىق. گرۋزيا زاڭىندا قاراستىرىلعانداي، بۇعان 1 ايداي ۋاقىت بەرىلەدى، - دەدى مينيستر. - حات وعان ودەسسادا (ۋكرايناداعى) 3 -قاراشادا بەرىلدى. ول جاۋاپ قايتارمادى. سوندىقتان ادىلەت مينيسترلىگىنىڭ قورىتىندىسى پرەزيدەنت گ. مارگۆەلاشۆيليگە جولداندى» - دەدى ت. سۋلۋكياني.
م. سااكاشۆيلي 2004 -جىلدىڭ قاڭتارىنان پرەزيدەنت لاۋازىمىندا بولدى. ول 2013 -جىلى قاراشانىڭ ورتاسىندا ءوز وكىلەتتىلىگى اياقتالعانعا دەيىن جانە مارگۆەلاشۆيلي ۇلىقتاۋ راسىمىنە دەيىن (17 -قاراشا) ەلدەن كەتكەن. 2015 -جىلدىڭ مامىرىندا م. سااكاشۆيليگە ۋكراينا ازاماتتىعى بەرىلدى. ال 30 -مامىردا ول ودەسسا وبلىسىنىڭ گۋبەرناتورى بولىپ تاعايىندالدى.