ەسكە سالا كەتەيىك، جاس جىگىتتىڭ قىمبات اۆتوكولىكتە وتىرىپ تۇسكەن سۋرەتى ينتەرنەتتە جاريالانعاننان كەيىن قىزۋ تالقىعا تۇسكەن ەدى.
جاسۇلان ساپاربايەۆ سۋرەتتىڭ 2011 -جىلى تۇسىرىلگەنىن ايتتى. «ول كەزدە مەن 20 جاستا بولدىم. كوشەدە قىدىرىپ ءجۇرىپ ادەمى ماشينا كوردىم، باسقا دا جاستار سياقتى قىزىعۋشىلىقپەن «كەرەمەت اۆتونىڭ» فونىندا سۋرەتكە تۇسكىم كەلدى. اۆتوموبيل يەسى كولىكتە وتىرىپ سۋرەتكە تۇسۋگە رۇقسات بەردى، سۋرەتتى الەۋمەتتىك جەلىگە سالدىم»، - دەدى ول.
شەنەۋنىكتىڭ ۇلى سۋرەت باسپا ءسوزدىڭ نازارىن اۋداراتىنىن بىلمەگەنىن جەتكىزدى. «مەنىڭ سۋرەتىم 2-3 جىل بۇرىن دا اقپارات قۇرالدارىندا جاريالانعانىن ەسكەرە كەلە، اكەمە «جاقسىلىق ويلايتىن» بىرەۋدىڭ بۇعان قىزىعۋشىلىق تانىتىپ وتىرعانىن ايتقىم كەلەدى. بىرەۋ اكەمنىڭ ابىرويىنا نۇقسان كەلتىرگىسى كەلۋى مۇمكىن، دەگەنمەن ول ويى ىسكە اسپايدى!»، - دەدى ول. جاسۇلان KIA ماركالى اۆتوموبيلىنىڭ بار ەكەنىن، سونىمەن قاتار، گۋميلەۆ اتىنداعى ە ۇ ۋ تۇلەگى جانە قازىر دوستارىمەن بىرگە كىشىگىرىم بيزنەسپەن اينالىسىپ جۇرگەنىن جەتكىزدى.