قىزىلوردادا اۆتوبۋس قۇراستىراتىن زاۋىت سالىنادى
بۇل تۋرالى وبلىستىق اكىمدىكتىڭ باسپا ءسوز قىزمەتى حابارلادى.
ەستەرىڭىزگە سالا كەتەيىك، اندرەي كاشەچكين بۇعان دەيىن وبلىسىمىزدا تۋريزم سالاسىنداعى جوبالاردى جۇزەگە اسىرۋدى، ۆەلوكوماندا قۇرۋدى جانە بايقوڭىر برەندىن ناسيحاتتاۋعا نيەتتى ەكەنىن بىلدىرگەن بولاتىن.
«ءبىز ايماعىمىزدىڭ ەڭ الدىمەن وڭدەۋ ونەركاسىبىن دامىتۋعا مۇددەلىمىز. بىرنەشە اي ىشىندە گەرمانيالىق ارىپتەستەرمەن بىرلەسە ءۇي قۇرىلىسى كومبيناتىن، قىتايلىق سەرىكتەستەرمەن بىرگە سەمەنت زاۋىتىن سالۋدى باستايمىز. ودان بولەك، جاقىندا ەت كومبيناتى مەن تومات پاستاسىن شىعاراتىن زاۋىتتى ىسكە قوسامىز. اتاقتى جەرلەسىمىز اندرەي كاشەچكين دە ءوڭىر ءۇشىن ءوز ۇلەسىن قوسقىسى كەلەدى. وبلىستا ۆەلوكوماندا قۇرىلىپ، كوماندا فورماسىنىڭ ديزاينى جاسالدى»، - دەدى وبلىس اكىمى ق. كوشەربايەۆ.
اندرەي كاشەچكين ءوز كەزەگىندە ايماق باسشىسىنا قولداۋ كورسەتىپ جاتقانىنا ريزاشىلىعىن ءبىلدىردى. سونداي- اق، «VanHool» (بەلگيا) كومپانياسىنىڭ باس ديرەكتورى گەەرت ۆان حەكە اۆتوبۋس قۇراستىراتىن زاۋىت سالاتىندىعىن مالىمدەدى.
كەزدەسۋ سوڭىندا قىزىلوردا وبلىسىنىڭ اكىمدىگى مەن «VanHool» كومپانياسى قىزىلوردا وبلىسىندا اۆتوبۋس قۇراستىراتىن زاۋىت سالۋعا جانە «Caspian Services» كومپانياسىمەن «بايقوڭىر» كەشەنىن دامىتۋعا بايلانىستى مەموراندۋمدارعا قول قويىلدى.
اۆتور: ەلۋباي اۋەزوۆ