قازاقستاندىق بوكسشى تۇرمەگە قامالۋى مۇمكىن

استانا. قازاقپارات - بەلگىلى بوكسشى، سپورت شەبەرى، بىرنەشە دۇركىن قازاقستان چەمپيوناتىنىڭ جەڭىمپازى مۇرات قۇرالبايەۆ نەگىزسىز ايىپتالىپ، تۇرمەگە قامالۋى مۇمكىن.

بۇل تۋرالى sports.kz حابارلادى.

مۇرات قۇرالبايەۆ تاراز قالاسىندا سوماسى 1,6 ميلليون تەڭگە ۇرلادى دەگەن كۇدىكپەن ۇستالدى. قۇقىق قورعاۋ ورگاندارى اتالمىش فاكتى بويىنشا بوكس چەمپيونى مەن تاعى ءۇش ادامدى قولعا ءتۇسىردى.

 ونىڭ باپكەرى مەن تۋىستارى مۇراتتا 100 پايىزدىق ءوزىن اقتايتىن ايعاعى بارىن ايتادى. ونى كۋاگەرلەردىڭ ايعاقتارىمەن عانا ەمەس، «انتيۋگون» جۇيەسى تۇسىرگەن سۋرەتتەرىمەن دە راستاۋعا بولادى. جابىرلەنۋشى (قىرعىزستان ازاماتى) مەن قىلمىس جاسادى دەپ تانىلعان قىلمىسكەر مۇرات قۇرالبايەۆتىڭ ايىبىن تەرىسكە شىعارۋدا. الايدا تەرگەۋ ورگاندارى چەمپيوننىڭ كىناسىزدىگىن دالەلدەيتىن فاكتىلەردى نازارعا الماۋدا.

 مۇراتتىڭ تۋىسقاندارى قۇرالبايەۆتىڭ ءىسىن جۇرگىزەتىن تەرگەۋ بريگاداسىنىڭ ولاردا بۇلتارتپايتىن دالەلدەردىڭ بولعانىنا قاراماستان، كۇدىكتىلەردىڭ ءىسىن ايىپتاۋ ۇكىمىنە دەيىن جەتكىزگەن كوپتەگەن جاعدايلارىن بىلەتىنىن مالىمدەدى.