ء​ۇندىستانداعى تابيعي اپاتتان مىڭداعان ادام جاپا شەكتى

تابيعي اپات سالدارىنان اۋە رەيستەرى مەن پويىزدار توقتاتىلىپ، جۇزدەگەن ادام جارىقسىز وتىر، دەپ حابارلايدى BBC.

BBC اقپاراتىنشا، قازىر تاسقىننان جاپا شەككەن مىڭداعان تۇرعىندى قاۋىپسىز جەرگە كوشىرۋگە ەل ارمياسى دا تارتىلدى.

سوڭعى دەرەكتەرگە سۇيەنسەك، اپات سالدارىنان وڭتۇستىكتەگى تاميلناد شتاتىندا سوڭعى بىرنەشە كۇندە كەم دەگەندە 188 ادام مەرت بولعان.

بەلگىلى بولعانداي، چەنناي اۋەجايىن دا جارىم- جارتىلاي سۋ باسقان، 400 گە جۋىق جولاۋشى رەيستەرىن كۇتىپ وتىر. تەمىر جولداردى سۋ باسۋىنا بايلانىستى وننان استام پويىزدىڭ دا قوزعالىسى توقتاتىلعان.

چەنناي قالاسىندا نوسەر جاۋىن قاراشا ايىنىڭ ورتاسىندا باستالعان بولاتىن. قازىر قالانىڭ باس كوشەلەرى سۋ استىندا، التى اۋداندا مەكتەپتەر مەن كوللەدجدەر جابىلدى.

چەنناي ىرگەسىندەگى ەلدى- مەكەندەردە ۇيلەردىڭ ` عا جۋىعى جارىقسىز قالدى. سينوپتيكتەردىڭ بولجامىنشا، توپەلەپ قۇيعان جاۋىن الداعى ءۇش كۇندە تولاستامايدى.

BNews.kz