بۇل تۋرالى اتالعان ءوڭىر باسشىسىنىڭ باسپا ءسوز قىزمەتىنەن حابارلادى.
«بۇل نىساندى سالۋ قازاقتىڭ ۇلى عالىمى، ەتنوگرافى ءارى تاريحشىسىنىڭ ەسىمىمەن بايلانىستى تاريحي مۇرانى ودان ارى ساقتاۋعا ءوز سەپتىگىن تيگىزەدى. مازاردى قازاق حاندىعىنىڭ 550 جىلدىعىنا وراي اشۋدىڭ دا ايرىقشا نىشاندىق ءمانى بار. نەمەرەسىنىڭ ادام بولىپ قالىپتاسۋىنا زور ىقپال ەتكەن قازاقتىڭ ۇلى ايەلىنىڭ ەسىمى حالىقتىڭ اراسىندا زور قۇرمەتكە يە»، - دەلىنگەن حابارلامادا.
اتالعان نىساننىڭ اشىلۋ راسىمىنە سىرىمبەت اۋىلىنىڭ عانا تۇرعىندارى ەمەس، سونىمەن بىرگە ومبى، پەتروپاۆل جانە كوكشەتاۋ قالالارىنان كەلگەن تاريحشى- شوقانتانۋشىلار مەن پروفەسسورلار قاتىستى. وسىدان كەيىن ولار شوقان ءۋاليحانوۆتىڭ قۇرمەتىنە وراي ۇيىمداستىرىلعان عىلىمي- تاجىريبەلىك كونفەرەنسياعا قاتىستى.
ايتا كەتەرلىگى، اعىمداعى جىلى قازاقتىڭ ۇلى عالىمى ءارى اعارتۋشى شوقان ءۋاليحانوۆتىڭ تۋعانىنا 180 جىل تولادى.
اۆتور: مارلان جيەمباي