بۇل تۋرالى تۇرىك ليدەرى رەسەيلىك پرەزيدەنت ۆلاديمير پۋتيننىڭ سۋ-24 جويعىشىنا شابۋىلدى ي م- ءنىڭ تۇركياعا مۇناي تاسىمالداۋىن قورعاۋدىڭ ارەكەتى دەپ اتاعان سوڭ ايتتى.
ەردوعان مۇنداي ايىپتاۋلاردى ايتۋ ءۇشىن دالەلدەر كەرەكتىگىن ايتتى.
سونىمەن قاتار ول تۇركيا قاي ەلدەردەن مۇناي ساتىپ الاتىنى بەلگىلى ەكەندىگىن جەتكىزدى.
«ءبىز مۇنايدى رەسەي، يران، ازەربايجان، كاتار جانە نيگەريادان ساتىپ الامىز. سوندىقتان بۇل ايىپتاۋلار ءجونسىز»، - دەپ اتاپ ءوتتى ەردوعان.
پاريجدەگى كليماتتىق كونفەرەنتسيادان كەيىنگى باسپا ءسوز-كونفەرەنتسياسىندا رەسەي پرەزيدەنتى سۋ-24 جويعىشىنا شابۋىلداۋ سەبەبى «يسلام مەملەكەتى» سودىرلارىنىڭ تۇركياعا مۇناي تاسىمالداۋىن قورعاۋدىڭ ارەكەتى بولۋى مۇمكىندىگىن ايتتى.
«قازىر بىزدە د ا ي ش باقىلايتىن جەردەن وندىرىلەتىن مۇناي تۇركيا اۋماعىنا جەتكىزىلەتىنى جايلى قوسىمشا اقپارات الدىق، - دەدى پۋتين. - وسىعان بايلانىستى مۇنايدى تاسىمالداۋدى قورعاپ قالۋ ءۇشىن ءبىزدىڭ ۇشاققا شابۋىل جاسادى دەپ ويلاۋىمىزدىڭ نەگىزى بار».
«ءبىز قاي ەلدەردەن مۇناي ساتىپ الاتىنىمىز بارلىعىنا بەلگىلى. ا ق ش قازىناشىلىعى «يسلام مەملەكەتىنەن» مۇناي ساتىپ الاتىنداردىڭ ءبىرى - بۇل رەسەي مەن سيريا ازاماتى ەكەنىن حابارلاعان. الدىمەن وسى ءۇشىن جاۋاپ بەرسىن»، - دەگەن ەردوعاننىڭ سوزدەرىن ت ا س س كەلتىردى.
وتكەن اپتادا ا ق ش قارجى مينيسترلىگى سيريا بويىنشا سانكتسيالانعان تىزىمگە رەسەيلىك بيزنەسمەن جانە فيدە باسشىسى كيرسان يليۋمجينوۆتى ەنگىزدى. سول كەزدە سانكتسياعا رەسەي مەن سيريا ازاماتى دجوردج حاسۆاني دا ىلىكتى. ا ق ش وعان باشار اساد ۇكىمەتىنىڭ مۇددەسىنە سايكەس «يسلام مەملەكەتىنەن» مۇناي ساتىپ الدى دەگەن كۇدىكپەن قاراۋدا.
رەسەي پرەزيدەنتىنىڭ باسپا ءسوز حاتشىسى دميتري پەسكوۆ «ۆەستي نەدەليگە» بەرگەن سۇحباتىندا تۇرىك پرەزيدەنتىنىڭ ۇلى مۇناي بيزنەسىنە قىزىعۋشىلىق تانىتاتىنى جونىندەگى اقپارات بار ەكەنىن ايتتى.