باسىنان باستاساق، ەشكىنى جولبارىستىڭ جەمى ءۇشىن تورىنا جىبەرگەن... ءبىر قىزىعى، وزىنە تاپ بەرگەن جولبارىستان ىقپاعان ەشكى ونىڭ وزىنە شابۋىلداعان. ول ول ما، ەشكى جولبارىستىڭ ورنىن تارتىپ الىپ، سوندا جاتىپ ءجۇر. ال جولبارىس شاتىردا جاتىپ ءجۇر. ەشكىنى جەۋگە باتا المايدى. وسىعان بايلانىستى اتالمىش ساياباقتىڭ سايتىندا ەشكىنى جولبارىستان بولەك ۇستاۋ تۋراسىندا ۇسىنىستار ايتىلىپ جاتىر.
«تيمۋر ەشكىگە ەركىندىك بەرىلسىن! ول وعان ابدەن لايىق!»، «ماعان انام (78 جاستا) تەلەفون شالىپ، ەشكىنىڭ تىرشىلىك ەتۋگە لايىق بولعانىن جازۋىمدى سۇرادى. ول قاتتى ۋايىمداپ وتىر. ەشكىگە جاندارىڭ اشىسىن، ونى ءبىر جەرگە ورنالاستىرىڭدارشى»، «ءوتىنىش - تيمۋردى جولبارىستان بولىڭدەر نەمەسە قورىقشىلارمەن، حايۋاناتتار باعىنىڭ قىزمەتكەرلەرىمەن سويلەسىپ، ەشكىنى ول جەردەن الىپ كەتۋىن سۇراڭدار، ەرتە مە، كەش پە، ونى ءبارىبىر جەپ قويادى!» دەگەن سەكىلدى جازبالار پايدا بولعان. جۋىردا اتالمىش ساياباقتىڭ ديرەكتورى دميتري مەزەنسيەۆتىڭ جانۋارلاردى اجىراتپايتىنىن، ويتكەنى، جولبارىس وعان ازىق بولار قورەك رەتىندە قارامايتىنىن، ياعني، ەشكىگە جولبارىس تاراپىنان قاۋىپ ءتونىپ تۇرماعانىن جەتكىزدى.