ونىڭ پىكىرىنشە، بۇگىنگى بويجەتكەندەر جىلى سويلەگەن جىگىتتى جاقىندارىنا سىناتپاي جاتىپ، قولىنان ۇستاپ كەتە بارادى. اعايىننىڭ باتاسىن الىپ، اق نەكەسى قيىلماي جاتىپ، قوينىنا الادى. كەيبىرى التى جىل جۇرگەن جىگىتى ءبىر-اق كۇندى بۇرىلىپ كەتكەنىنە تاڭقالسا، ەندى ءبىرى جىگىتپەن تۇرىپ جاتقانىن ءۇي-ىشىنەن جاسىرىپ ءجۇر.
«جۇرەكتەرىمىز سۋىق اقىلعا ەمەس، سەزىمگە بايلانىپ تۇرعانىنا ءمان بەرە بەرمەيمىز. توڭىرەگىمىزگە قارايىقشى. ءان تىڭداساقتا، اڭگىمە تىڭداساقتا ماحاببات جايلى. ماحاببات تاقىرىبى مەن تاڭ اتىرىپ، سەزىم جايلى سوزدەرمەن كەش باتىرىپ جاتقاندار قانشاما؟»، - دەيدى تازابەكوۆ ءوز جازباسىندا.
ۇيلەنۋ جايلى ۇلكەن نيەت بولماي جاتىپ، تۇرمىس قۇرۋ جايلى ناقتى شەشىم قابىلدانباي تۇرىپ، قۇر بەكەر، جۇرتتان قالماي «قىزبەن ءجۇرۋ، جىگىتىڭ بولۋ» قانشاما تاعدىرلاردى تىعىرىققا تىرەۋدە. ماماندىق تاڭداۋعا ارالاسقان ۇلكەندەردىڭ جار تاڭداۋعا ارالاسا الماۋى-جاۋاپسىزدىقتىڭ ەڭ ۇلكەن باستاۋى.
«اللا جاستارىمىزدى باقىتسىزدىقتان ساقتاسىن! بارار جەر، باسار تاۋى قالماعاسىن، جاناشىر كاسىپكەرلەر تاراپىنان اشىلعان «انالار ءۇيىن» پانالاعان، باۋىرىندا بالاسى بار نازىك جاندىلاردىڭ تاعدىرى جانىڭدى اۋىرتادى»، - دەيدى اقىن Facebook پاراقشاسىندا.
ايبىندى قاريا ايعايشى شالعا، ەرتەگى ايتار اجە سەريال كورگىش كەمپىرگە اينالدى
تازابەكوۆتىڭ ايتۋىنشا، بۇل قاسىرەتتەردىڭ بىرنەشە سەبەپتەرى بار. اسىرەسە، ءداستۇرلى وتباسىلىق-قۇندىلىقتارىمىزدان اجىراتقان كەڭەستىك كەسىرلى يدەولوگيا، تابيعي زاڭدىلىقتارىمىزدان بۇرا تارتىپ، ايەلدەر قاۋىمىن اۋرەگە سالعان جاساندى قاعيدالار - ءبىرىنشى كەزەكتە اسەر ەتۋشى فاكتورلار.
قوعام قايراتكەرى بۇگىندە اۋلەتتەردىڭ ىرگەسى شايقالىپ، تەكتى تاربيەنىڭ تىگىسى سوگىلىپ جاتقانىن باسا ايتتى. ايبىندى قاريا ايعايشى شالعا، ەرتەگى ايتار اجە سەريال كورگىش كەمپىرگە اينالدى. سىرتتا جۇرگەندە بوتەن ەلمەن «ءسىز- ءبىز» دەسىپ، ۇيگە كەلگەندە ەت جاقىندارىمەن سىرلاسپايتىن شاڭىراق كوبەيدى.
بۇعان قوسا، قوعامدا قىزى مەن قارىنداسىن قامقورلىققا الىپ، قاداعالاماق تۇگىلى، ءوز باسىن ارەڭ الىپ جۇرگەن ەركەكتەر قاۋىمىنىڭ ۇساقتىعى مەن نامىسسىزدىعى دا بەلەڭ الدى. جۇمىسىنا جۇگىرىپ، ۇيگە اسىقپايتىن اكە، كولىگىن سيپالاپ، قارىنداسىن قىزعانبايتىن اعا از ەمەس.
قىز كورسە ەتەكتەن جوعارى ويلاي المايتىن، وڭاشادا كەزدەسكەن كەلىنشەكتى ولجا كورەتىن تۇسىنىك، قانشاما جىلىكتى جىگىتتەردى جىگەرسىز پەندەگە اينالدىرۋدا.
nur.kz