دينارا ءساتجان جەكە قوناق ۇيىنە نەگە قازاقشا اتاۋ بەرگىسى كەلمەگەنىن ايتتى

كورەرمەندەردىڭ وتكىر سىنىنا قاتىستى تەلەجۇرگىزۋشى دە كوپ كەشىكتىرمەي ءوز پىكىرىن ءبىلدىردى، دەپ جازادى NUR. KZ Comode.kz كە سىلتەمە جاساپ.

«جۇرتتىڭ كوبى مەنەن قوناق ءۇيدىڭ نەگە «موناكو» دەپ اتالاتىنىن سۇرايدى. سەبەبى مەيمانحانا استانالىق «ميلان» جانە «پاريج» كۆارتالدارىنىڭ ورتاسىندا تۇر. ەگەر ول «بايتەرەك»، «كوكتوبە» نەمەسە «الماتى» دەپ اتالسا، قيسىنسىز بولار ەدى»، - دەيدى دينارا ءساتجان.

بەلگىلى تۇلعانىڭ ايتۋىنشا، اتالمىش كۆارتالدار ەۋروپانىڭ اسەم كوشەلەرىن ەسكە تۇسىرەدى. ال موناكو مەملەكەتى - فرانسيا مەن يتاليانىڭ توڭىرەگىندەگى كورىكتى كنيازدىق.

«ءبىزدىڭ قوناق ءۇي ءارى بۋتيك قىزمەتىن دە اتقارادى. ونىڭ ىشىندە نەبارى 46 جاتىن ورىن بولماق. قوناقتارعا كورسەتەتىن قىزمەت تۇرلەرى دە ەرەكشە بولماق»، - دەيدى قوناق ءۇي يەسى ءساتجان.

سونداي-اق، «موناكوعا» ات باسىن بۇراتىن تۇلعالار تاۋلىگىنە 21 مىڭ تەڭگە تولەمەك. تەلەجۇرگىزۋشىنىڭ پىكىرىنشە، وسىنداي جوعارى دەڭگەيلى مەيمانحانالار ءۇشىن مۇنداي ارزان باعانى ەلوردادا تابۋ مۇمكىن ەمەس.

دينارا ءساتجان قوناق ۇيگە ەسترادا جۇلدىزدارى، ساياساتكەرلەر، قوعام قايراتكەرلەرىنىڭ كەلگەنىن قالايتىنىن جاسىرمادى. قوناقتار ءبىر-بىرىمەن ەمىن-ەركىن اڭگىمەلەسىپ، سۇحباتتاسا الادى.

تەلەجۇرگىزۋشى قوناق ءۇيدىڭ رەسمي اشىلۋ راسىمىنە قازاقستاندىق وپەرا ءانشىسى سۇندەت بايعوجين مەن وتاندىق بالەت ءبيشىسى دوسجان تابىلدىنى شاقىرعان.