اكبار ءماجيت ۇلىنا ەۋرازيا ۇلتتىق ۋنيۆەرسيتەتىنىڭ قۇرمەتتى پرەفەسسورى اتاعى بەرىلدى

 استانا. قازاقپارات - كەشەدەن بەرى استانادا دۇنيەنىڭ ەكى شەتىنەن ەكى ۇلكەن قازاق ينتەلەكتۋالى- ەكى بىردەي ادەبيەتشى، عالىم، اۋدارماشى اكبار ءماجيت ۇلى (پەكين) مەن ابدۋاحاب قارا (ستامبۋل) مىرزا قوناق بولىپ قايتتى.

اكبار ءماجيت «قىتاي جازۋشىلارى» جۋرنالىنىڭ رەداكتورى، ق  ح ر مەملەكەتتىك حالىق قۇرىلتايىنىڭ وكىلى، ق ح ر مەملەكەتتىك سىيلىعىنىڭ يەگەرى. قىتايدا قازاق ءومىرىن قىتايشا جازاتىن جازۋشى. مەن ول كىسىمەن سوناۋ 80-جىلدارى پەكيندە ىزدەپ بارىپ تانىسىپ، جاقسى ارالاسقان ەدىم، ارادا 20  جىلدان كەيىن كورىپ ديدار عانيبەت بولدىم. بۇگىن ەۋرازيا ۋنيۆەرسيتەتىنىڭ رەكتورى، اكادەميك ە. سىدىقوۆتىڭ قابىلداۋىندا بىرگە بولىپ، اۋقىمدى اڭگىمەگە ورتاقتاسىپ قايتتىم. ەۋرازيا ۇلتتىق ۋنيۆەرسيەتى عىلىمي كەڭەسىنىڭ شەشىمىمەن ول كىسىگە ۋنيۆەرسيەتتىڭ قۇرمەتتى پرەفەسسورى اتاعى بەرىلدى.

اكبار اعامىز "اباي قارا سوزدەرىن"، "اباي جولىن" قىتاي تىلىنە اۋدارىپ، مونعول داۋىرىندەگى قازاق زيالىلارى تۋرالى ىرگەلى زەرتتەۋ جاساپ جاتسا، شەتەلدەگى قازاقتار ءۇشىن ءبىر ءوزى ءبىر قاۋىمداستىقتىڭ قىزمەتىن اتقارىپ جۇرگەن ءابدۋاحاب قارا مىرزا دا يلياس ەسەنبەرلين ەڭبەكتەرىن تۇرىك تىلىنە اۋدارىپ شىعىپتى.

وزگە جەردە تۋىپ- ءوسىپ، وزگە تىلدە تاربيە كورسە دە انا ءتىلىن ۇمىتپاعان، سول تىلدەن كوپتەگەن شىعارمالار اۋدارىپ، قازاق ءۇشىن ۇلكەن ۇلەس قوسىپ جۇرگەن شەتەلدەگى ەكى ارىس ازاماتقا دەنىنە ساۋلىق، وتباسىنا باقىت جانە شىعارماشىلىق تابىس تىلەيمىز!

 

تۇرسىنحان زاكەن ۇلىنىڭ جەكە پاراقشاسىنان