بۇل تۋرالى رەسەي پرەزيدەنتىنىڭ سايتىندا جاريالاندى، - دەپ حابارلايدى Tengrinews.kz ءتىلشىسى.
رەسەيدىڭ باسشىسى تۇركيادا وندىرىلگەن كەيبىر تاۋار تۇرلەرىن رەسەي تەرريتورياسىنا كىرگىزۋدى قاراستىراتىن سىرتقى ەكونوميكالىق وپەراتسيالارعا تىيىم سالۋدى نەمەسە شەكتەۋگە قاۋلى شىعاردى.
سونىمەن قاتار، پۋتين تۇركيانىڭ قۇزىرەتىندەگى ۇيىمداردىڭ قىزمەتىنە، ولاردىڭ ر ف- داعى بەلگىلى ءبىر جۇمىستارى مەن قىزمەتتەرىنە تىيىم سالۋعا جانە شەكتەۋگە قاۋلى شىعاردى. مۇنىمەن بىرگە، كەلەسى جىلدىڭ 1 - قاڭتارىنان باستاپ رەسەيلىك جۇمىس بەرۋشىلەرگە تۇركيا ازاماتتارىنىڭ قاتارىنان جۇمىسشى الۋعا تىيىم سالىنعان.
ر ف باسشىسى كەلەسى جىلدىڭ 1 - قاڭتارىنان باستاپ تۇركيامەن ارادا ۆيزاسىز رەجيمدى توقتاتۋ تۋرالى شەشىم شىعاردى، سىرتقى ىستەر مينيسترىنە بەكىتىلگەن تارتىپتە تۇرىك رەسپۋبليكاسىنا كەلىسىمدەردىڭ ءىشىنارا توقتاتىلاتىنىن جونىندە ەسكەرتۋ جولداۋ تۋرالى تاپسىرما بەرىلدى.
مۇنىمەن قاتار، جارلىقتا تۋروپەراتورلار مەن تۋراگەنتتەرگە رەسەيدىڭ ازاماتتارىنا تۇركيا تەرريتورياسىنا بارۋدى قاراستىراتىن تۋريستىك ءونىمدى ساتۋدان تىيىلۋ تاپسىرىلعان. جارلىق 28 - قاراشادا جاريا بولىپ، كۇشىنە ەندى. قۇجاتتىڭ كۇشى الىپ تاستالمايىنشا جويىلمايدى.
ر ي ا نوۆوستي اگەنتتىگىنىڭ مالىمەتىنشە، تۇرىكتىڭ ءبىر شەنەۋنىگى بۇعان قاتىستى ءوز پىكىرىن ءبىلدىرىپ ۇلگەرىپتى. ايتۋىنشا، سانكسيالار ەكى ەلدىڭ اراسىنداعى پروبلەمالاردى كۇردەلەندىرەدى ەكەن. «مۇنداي سانكسيالار قارىم- قاتىناستى بۇزادى. مۇنداي قادامدار جاعدايدى وڭتايلاندىرمايدى، ول جاعدايدى تەك قيىنداتادى»، - دەپ كەلتىرەدى اگەنتتىك اڭگىمەلەسۋشىنىڭ ءسوزىن.
ەسكە سالايىق، رەسەي مەن تۇركيانىڭ قارىم- قاتىناسى سيريالىق- تۇرىك شەكاراسىندا رەسەيلىك سۋ-24 بومبالاۋشى ۇشاعىن اتىپ ءتۇسىرۋ وقيعاسىنان كەيىن بۇزىلا باستادى. وقيعا 24 - قاراشادا بولدى. ب ا ق مالىمەتىنشە، ۇشاق تۇرىكتىڭ F-16 جويعىشىنىڭ «اۋە- اۋە» تۇرىندەگى زىمىرانى ارقىلى اتىپ تۇسىرىلگەن جانە سيريادا، تۇركيانىڭ شەكاراسىنا 4 شاقىرىم جەرگە قۇلاعان. ۇشقىشتاردىڭ ءبىرى ءتىرى قالدى. ر ف اۋە كۇشتەرى باس شتابى شابۋىلعا ۇشىراعان سۋ-24 بومبالاۋشىسىنىڭ تۇركيانىڭ اۋە كەڭىستىگىن بۇزباعانىن مالىمدەدى جانە بۇل مالىمەتتىڭ سيريالىق اۋە قورعانىسىنىڭ مالىمەتتەرىمەن راستالاتىنىن العا تارتتى. ال تۇركيا ۇشاقتىڭ شەكارانى بۇزعانىن ايتىپ وتىر.