بۇل تۋرالى حالىقارالىق تەڭىز ۇيىمىنىڭ باس ورگانى - ءى م و اسسامبلەياسىنىڭ تۇراقتى 29-سەسسياسىندا ق ر ي د م دەلەگاتسياسىنىڭ جەتەكشىسى، قازاقستاننىڭ ءى م و- داعى تۇراقتى وكىلى، ق ر ۇلى بريتانياداعى ەلشىسى ە. قازىحانوۆ ايتتى.
قازاقستان دەلەگاتسياسىنىڭ جەتەكشىسى اسسامبلەيانىڭ جانە 2017 - جىلى ءبىزدىڭ ەلدە وتەتىن مىندەتتى اۋديتكە دايىندىق ماسەلەسى بويىنشا حالىقارالىق تەڭىز ۇيىمىنىڭ ءبىزدىڭ ەلىمىز ءۇشىن ماڭىزدىلىعىن اتاپ ءوتتى، دەپ اتاپ ءوتتى ق ر ينۆەستيتسيالار جانە دامۋ مينيسترلىگىنىڭ باسپا ءسوز قىزمەتى.
ءى م و- نىڭ مالىمەتى بويىنشا بۇگىندە الەمدىك ساۋدا اينالىمىنىڭ 80 پايىزدان استامى تەڭىز جولدارىنىڭ كومەگىمەن جۇزەگە اسادى جانە تەڭىزدە ءجۇزۋ قاۋىپسىزدىگى وزەكتى ماسەلەگە اينالىپ بارادى.
حالىقارالىق تەڭىز ۇيىمى (IMO) - ب ۇ ۇ- نىڭ حالىقارالىق ساۋدالىق كەمە قاتىناسىمەن بايلانىستى تەحنيكالىق ماسەلەلەر بويىنشا اقپارات الماسۋ ءۇشىن مامانداندىرىلعان حالىقارالىق ۇكىمەتارالىق مەكەمەسى بولىپ تابىلادى. قازاقستان رەسپۋبليكاسى 1994 - جىلدان بەرى IMO مۇشەسى بولىپ تابىلادى جانە ونىڭ اياسىندا قابىلدانعان نەگىزگى 12 كونۆەنتسياعا قوسىلدى.