مىنا دۇعانى وقىعانعا ەشنارسە زيانىن تيگىزە المايدى

وقىلۋى: ءا'ۋۋزۋ بي كاليمااتي- ءللااھيت- ءتااممااتي مين ءشارري ءما ءحالاق.

ماعىناسى: اللانىڭ ءمىنسىز سوزدەرىمەن* كۇللى جاراتىلىستىڭ كەسىر-كەساپاتىنان ساقتانامىن!

ۇزاق جىلدار بويى ارداقتى پايعامبارىمىزبەن (ساللاللاھۋ ءالايھي ءۋا ءساللام) بىرگە بولۋ قۇرمەتىنە بولەنگەن ساحابا ءابۋ حۇرايرا (ر. ا. ) بۇل دۇعا جايلى مىنا وقيعانى تىلگە تيەك ەتكەن: «ءبىر كىسى اللا ەلشىسىنە (ساللاللاھۋ ءالايھي ءۋا ءساللام): كەشە تۇندە مەنى شايان شاعىپ الدى - دەپ، ءتۇنى بويى كوز ىلمەگەنىن ايتىپ، مۇڭىن شاقتى.

سوندا پايعامبارىمىز (ساللاللاھۋ ءالايھي ءۋا ءساللام) وعان: «ەگەر كەشكىسىن مىنا دۇعانى وقىعانىڭدا، ول سەنى شاقپاس ەدى»، - دەگەن ەكەن. سونداي- اق، يمام تيرميزيدىڭ ەڭبەگىندە ءسۋھايل يبن ءابۋ ساليح (ر. ا. ): «اينالامىزداعى ادامداردىڭ بارلىعى وسى دۇعانى جاتتاپ الىپ، كۇن سايىن كەشكىسىن وقىپ جۇرەتىن. بىردە قىزمەتشى ايەلدەردىڭ ءبىرىن شايان شاعىپ الدى، ءبىراق، ول ايەل ودان ەشقانداي دا زيان شەكپەدى»، - دەگەن.

جوعارىدا كەلتىرىلگەن دەرەكتەرگە قوسا وسى دۇعاعا قاتىستى باسقا ءبىر حاديستە پايعامبارىمىزدىڭ (ساللاللاھۋ ءالايھي ءۋا ءساللام): «كىمدە كىم قانداي دا ءبىر جەرگە (پاناجايعا) ات باسىن تىرەگەندە مىنا دۇعانى وقىسا، سول جەردەن اتتانىپ كەتكەنگە دەيىن وعان ەش نارسە زيانىن تيگىزە المايدى»، - دەپ ايتقانى ريۋايات ەتىلگەن.

* قۇران كارىم جانە اللا تاعالانىڭ كوركەم ەسىمدەرى مەن سيپاتتارى

(مۋسليم، كيتابۋ ءاز- زيكر 4883؛ ءسۋنانۋ تيرميزي، دا'اۋات 3359؛ ءسۋنانۋ يبني ءماجا، تىب 3538)

islam.kz