الماس وتەشوۆ - الەم چەمپيوناتىنىڭ ەكى دۇركىن كۇمىس جۇلدەگەرى

بۇگىن تۇندە ءۇش بىردەي قازاق سپورتشىسى الەم چەمپيوناتىندا جۇلدەگە ىلىكتى.

الماس وتەشوۆ پەن جازيرا جاپپارقۇل كۇمىس مەدال يەلەنسە، جاسۇلان قىدىربايەۆ قولانى قاناعات تۇتتى.

الماس وسىدان 2 جىل بۇرىن پولشادا كۇمىس جۇلدەمەن ورالعان ەدى (397 كەلى). سول جەتىستىگىن مۇحيتتىڭ ءار جاعىندا دا قايتالادى. بۇل جولى 402 كەلىنى ەڭسەردى.

ال بىلتىرعى جىلى الماتىدا 402 (179 229) كەلىنى كوتەرىپ، الەم چەمپيونى اتانعان جاسۇلان قىدىربايەۆ قولا جۇلدەنى قاناعات تۇتتى. قىدىربايەۆ ا ق ش جەرىندە 399 كەلىمەن شەكتەلدى. التىن جۇلدە بەلارۋس ەلىنىڭ وكىلى ۆاديم ستەرلتسوۆ ەنشىلەدى (405 كەلى).

جاسۇلان جۇلقا كوتەرۋدە تەك ءبىر جاتتىعۋىن ءساتتى ورىندادى. الەم چەمپيونى العاشقى سايىستى 178 كەلىمەن اياقتالدى. 183 كەلىنى ەكى رەت كوتەرۋگە تالپىنعانىمەن، بۇل زىلتەمىر قىدىربايەۆتىڭ ەركىنە باعىنبادى. جۇلقا كوتەرۋدە جامبىل وبلىسىنىڭ سپورتشىسى كىشى قولا جۇلدەگە يە بولدى.

ال وتەشوۆ الدىمەن 172 كەلىگە تاپسىرىس بەرىپ، ونى ەركىن كوتەردى. ال ودان كەيىن 180 كەلىنى كوتەرگەنىمەن، تورەشىلەر ساناماي قويدى. ءۇشىنشى مۇمكىندىگىندە دە بۇل سالماقتى ىرقىنا باعىندىرا المادى. بالكىم تورەشىلەردىڭ شەشىمى الماسقا پسيحولوگيالىق تۇرعىدان قاتتى اسەر ەتسە كەرەك.

جۇلقا كوتەرۋدە رەسەيلىك الەكسەي كوسوۆ جەڭىمپاز اتاندى. ول 181 كەلىنى باعىندىردى. ليتۆالىق اۋريماس ديدزباليس ەكىنشى بولدى (180 كەلى).

وتەشوۆ سەرپە كوتەرۋ سايىسىن 220 كەلىمەن باستادى. بۇل كەزدە ءتورت سپورتشى عانا قالعان ەدى. قىدىربايەۆ العاشقى جاتتىعۋىندا 221 كەلىنى كوتەردى. الماس ەكىنشى مۇمكىندىگىندە 230 كەلىنى باعىندىردى. بۇل سالماقتى سترەلتسوۆتا كوتەرە الدى. ال جاسۇلان 231 كەلىگە تاپسىرىس بەرگەنىمەن، جاتتىعۋدى ءساتتى ورىنداي المادى.

سوسىن الماس وتەشوۆ بەلارۋس سپورتشىسىنان اسىپ ءتۇسۋ ءۇشىن 234 كەلىگە تالپىنىپ كوردى. ءبىراق بۇل سالماق قىزىلوردالىققا باعىنبادى. ناتيجەسىندە الماس بۇل جولى دا كۇمىس جۇلدەنى قاناعات تۇتتى.

94 كەلىگە دەيىنگى سالماقتاعى قازاقستاندىقتاردىڭ وليمپيادا جانە الەم چەمپيوناتىنداعى ناتيجەلەرى:

2006 -جىلى (سانتودومينگو، الەم چەمپيوناتى)

1.يليا يلين (قازاقستان) - 392 (175 216)

2008 -جىلى (پەكين، وليمپيادا ويىندارى)

1. يليا يلين (قازاقستان) - 406 (180 226)

2009 -جىلى (كويان، الەم چەمپيوناتى)

1.ۆلاديمير سەدوۆ (قازاقستان) - 402 (185 217)

2011 -جىلى (پاريج، الەم چەمپيوناتى)

1. يليا يلين (قازاقستان) - 407 (181 226)

2012 -جىلى (لوندون، وليمپيادا ويىندارى)

1. يليا يلين (قازاقستان) - 418 (185 233)

2013 -جىلى (ۆروتسلاۆ، الەم چەمپيوناتى)

2. الماس وتەشوۆ (قازاقستان) - 397 (175 222) .

3. ۆلاديمير سەدوۆ (قازاقستان) - 396 (180 216)

2014 -جىلى (الماتى، الەم چەمپيوناتى)

1. جاسۇلان قىدىربايەۆ (قازاقستان) - 408 (179 229)

2. ۆلاديمير سەدوۆ (قازاقستان) - 407 (188 219)

بەك تولەۋوۆ

BAQ.kz