بۇگىن الەم چەمپيوناتىندا قازاقستاننىڭ ايگىلى سپورتشىسىلارى سىنعا تۇسەدى

استانا. قازاقپارات - بۇگىن تۇندە ا ق ش- تىڭ حيۋستون قالاسىندا ءوتىپ جاتقان اۋىر اتلەتيكادان الەم چەمپيوناتىندا قازاقستاننىڭ ايگىلى سپورتشىلارى سىنعا تۇسەدى.

اتاپ ايتقاندا، 94 كەلىگە دەيىنگى سالماقتا الەم چەمپيونى جاسۇلان قىدىربايەۆ باق سىنايدى. سونىمەن بىرگە وسى سالماقتا 2013 -جىلعى الەم چەمپيوناتىنىڭ كۇمىس جۇلدەسىنىڭ يەگەرى الماس وتەشوۆ تە وسى سالماقتا ونەر كورسەتەدى. ەرلەر اراسىنداعى باسەكە تۇنگى ساعات 01:00 دە باستالادى. «قازاقستان» ۇلتتىق تەلەارناسى تىكەلەي ەفيردە كورسەتەدى دەپ كۇتىلۋدە.

سونداي- اق ساعات 03:30 دا 69 كەلى سالماق دارەجەسى بويىنشا ايەلدەر اراسىندا كىمنىڭ مىقتى ەكەنى ايقىندالاتىن تارتىستى جارىس باستالماق. بۇل دوداعا دا قازاقستان اتىنان قوس سپورتشى قاتىسپاقشى. ولار - لوندون وليمپياداسىنىڭ جەڭىمپازى، الەمنىڭ ەكى دۇركىن چەمپيونى مايا مانەزا مەن 2014 -جىلعى الەم چەمپيوناتىنىڭ كۇمىس جۇلدەگەرى جازيرا جاپپارقۇل.

بۇل جارىستى دا «قازاقستان» ۇلتتىق تەلەارناسى تىكەلەي ەفيردە كورسەتەتىنى جوسپارلانعان.

اتالعان سپورتشىلارىمىزعا قازاق ەلى ۇلكەن سەنىم ارتىپ وتىر. اۋىر اتلەتتەرگە ساتتىلىك تىلەيمىز.

اۆتور: ايدىن بايمەن