استاناداعى التىن وڭدەيتىن اففيناج زاۋىتى رەسەي مەن يراننان شيكىزات ساتىپ الۋدى جوسپارلاپ وتىر
بۇل تۋرالى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «تاۋ- كەن سامۇرىق» ا ق باسقارما ءتوراعاسى ءماجيت تۇرماعامبەتوۆ ءمالىم ەتتى.
«2014 -جىلى اففيناج زاۋىتى شامامەن 7 توننا التىن وڭدەدى. بارلىق التىندى ءبىز ۇلتتىق بانككە ساتۋدامىز. 2015 -جىلى 10 توننا التىندى وڭدەيمىز دەپ بولجاپ وتىرمىز. بۇل لوندون بيرجاسىنا شىعۋعا مۇمكىندىك بەرەتىن «GoodDelivery» مارتەبەسىن الۋعا جەتكىلىكتى»، - دەدى ول.
ونىڭ ايتۋىنشا، لوندون بيرجاسىنىڭ «GoodDelivery» مارتەبەسىن الۋ ءۇشىن ءۇش جىل قاتارىنان كەمىندە 10 توننا ءونىم شىعارۋ كەرەك.
«بۇگىنگى باستى ماقساتىمىز - وسى. زاۋىتتىڭ جوبالىق قۋاتتىلىعى - 25 توننا. ءبىراق ءبىز 70 تونناعا دەيىنگى كولەمدى دە وڭدەي الامىز. جىلىنا 150 توننا التىن شىعاراتىن كراسنويار زاۋىتىمەن از دا بولسا باسەكەلەسە الۋ ءۇشىن بىزگە كەمىندە 18 توننا التىن وڭدەۋ قاجەت. ول ءبىزدىڭ قولىمىزدان كەلەدى»، - دەدى ول.
ءبىراق قازىرگى ۋاقىتتا داعدارىس سالدارىنان وتاندىق كاسىپورىندار شيكىزاتتى ءوندىرۋدى ازايتقان. سونىڭ كەسىرىنەن التىن رۋداسى از كولەمدە جەتكىزىلۋدە، دەپ وتىر «تاۋ- كەن سامۇرىق» باسشىسى.
«بىزدە شامامەن 30 كەلىسىمشارت بار. دەگەنمەن 2013 - جىلى قۇلدىراعان باعالاردىڭ سالدارىنان وتاندىق كاسىپورىندار وزدەرىنىڭ وندىرىستىك قۋاتتارىن تولىعىمەن ورىنداماي وتىر. التىن ءوندىرۋ كولەمى ەلدە ارتقان جوق»، - دەيدى ول.
سوندىقتان م. تۇرماعامبەتوۆتىڭ اتاپ وتكەنىندەي، زاۋىت شيكىزاتقا ءزارۋ.
«وسىعان بايلانىستى ءبىز شەتەلدەن، سونىڭ ىشىندە ەۋرازيالىق ەكونوميكالىق وداق ەلدەرىنەن شيكىزات ىزدەي باستادىق. سەبەبى فابريكامىزدى تولىق ىسكە قوسپايىنشا، ونىڭ پايدا اكەلۋى جونىندە ءسوز قوزعاي المايمىز»، - دەدى كومپانيا باسشىسى.
ونىڭ سوزىنە قاراعاندا، شيكىزات تاپشىلىعى رەسەي ەلىندە دە بايقالۋدا. 11 اففيناج زاۋىتى تولىق قۋاتتىلىعىن پايدالانا الماي وتىر. دەگەنمەن ولار قازاقستانعا شيكىزات ساتپايدى دەگەن ءسوز ەمەس. سەبەبى قازاقستان ۇسىناتىن باعالار ءتيىمدى.
«قازىر رەسەيلىكتەر شيكىزاتىن وڭدەۋگە اكەلەدى. ويتكەنى ءبىزدىڭ ۇسىناتىن باعالار اجەپتەۋىر قيسىندى. جەلتوقساندا ءبىز رەسەي مەن يراننان ءبىرىنشى جەتكىزىلىمدەردى كۇتىپ وتىرمىز»، - دەپ ءتۇيدى ءسوزىن م. تۇرماعامبەتوۆ.
اۆتور: جاسۇلان جولدىبايەۆ