قازاقستاندا جاسالعان: «شين- لاين» ج ش س ونىمدەرىن موڭعولياعا ەكسپورتتاي باستادى

الماتى. قازاقپارات - بالمۇزداق وندىرۋمەن اينالىساتىن «شين- لاين» ج ش س ونىمدەرىن موڭعولياعا ەكسپورتتاي باستادى. كومپانيانىڭ جەتىستىكتەرى مەن بولاشاق جوسپارلارى تۋرالى باس ديرەكتور ۆلاديمير پاك ايتىپ بەردى.

«شين- لاين» كومپانياسىنىڭ نەگىزى 2002 - جىلى الماتىدا قالاندى. جارعىلىق كاپيتالى 600 ميلليون تەڭگە بولسا، 2014 - جىلى كاسىپورىن اينالىمى 3 ميلليارد تەڭگەنى قۇرادى.

 اتالعان كاسىپورىندا بالمۇزداق، اسەپتيكالىق ءسۇت وندىرىلەدى. ونىمەن قاتار، كاسىپورىن قازاقستاندا ءىرى ديستريبيۋتورلىق جەلى قالىپتاستىرعان.

«2004 - جىلدان بەرى بالمۇزداق ءوندىرىسىن العا قويدىق. بۇل سالا ءوندىرىستىڭ شامامەن 77 پايىزىن قۇراپ وتىر. «شين- لاين» تاۋار بەلگىسىمەن 6 ءتۇرلى بالمۇزداق شىعارادى. 2005 - جىلدان بەرى اسەپتيكالىق ءسۇت شىعارامىز. ارينە، بالمۇزداق ماۋسىمدىق بيزنەس بولعاندىقتان، قىس كەزىندە باعالى كادرلاردان ايىرىلىپ قالماس ءۇشىن اسەپتيكالىق ءسۇتتىڭ ءوندىرىسىن دامىتتىق. وسى باعىتتا وڭتۇستىك كورەيالىق «بەنگرە» كومپانياسىنىڭ فرانشيزاسىن ساتىپ الدىق. قازىر ولاردىڭ جەلىسىمەن شىعارىلاتىن بالمۇزداقتارىمىزدىڭ ت م د ايماعىندا تەڭدەسى جوق. 2009 - جىلى قازاقستاندا ءىرى ديستريبيۋتورلىق جەلى قالىپتاستىردىق. ءبىزدىڭ قولىمىزدا سۋىق تەمپەراتۋرانى ساقتايتىن تەحنيكا بارشىلىق بولعاندىقتان، مۇزداتىلعان جارتىلاي فابريكات ونىمدەر، سارى ماي جەتكىزە باستادىق.

 «نەتسلە» مەن «بونديۋەل» كومپانيالارىنىڭ رەسمي ديستريبيۋتورى بولىپ وتىرمىز. وسىلايشا نارىقتى زەرتتەي كەلە، جەتكىزىپ جۇرگەن تاۋارلارىمىزدى ەندى ءوزىمىز وندىرسەك دەگەن ماقسات بار. 2012 -جىلدان بەرى جىلدام دايىن بولاتىن لاپشا ءوندىرىسىن جولعا قويدىق»، - دەدى ۆ. پاك.

ايتا كەتۋ كەرەك، كاسىپورىن قازىر بالمۇزداق وندىرۋدە قازاقستان بويىنشا كوشباسشى بولىپ وتىر.

الايدا، بۇل بيزنەستىڭ دە وزىندىك قيىندىقتارى بار، - دەيدى باسشىسى.

«ارينە، قالالار اراسىنداعى ۇلكەن قاشىقتىق ءونىمىمىزدى دەر كەزىندە جەتكىزۋگە كەدەرگى كەلتىرەدى. الماتى مەن اتىراۋدىڭ اراسى 5 مىڭ شاقىرىم. سوندىقتان، قازاقستاننىڭ ءار وڭىرىندە شاعىن ءوندىرىس ورنىن اشۋعا تىرىسىپ جاتىرمىز»، - دەدى ول.

سونداي- اق، كاسىپورىن زاۋىتتارىندا وزگە كومپانيانىڭ ونىمدەرى دە قوراپقا سالىنىپ، قاپتالادى. ول ءۇشىن زاماناۋي تەحنيكالىق قۇرال- جابدىق بار.

كومپانيا وڭتۇستىك كورەيالىق ارىپتەستەرىمەن تىعىز بايلانىس ورناتقان. «حيۋنداي»، «دجەن سۋنگ رەفريجەراتور» كومپانيالارىنان قاجەتتى توڭازىتقىش قۇرالدارىن جەتكىزىپ تۇرادى.

«جىل سايىن حيۋندايدىڭ 30-40 كولىگىن الىپ تۇرامىز. ارينە، قازاقستانداعى وندىرۋشىلەردەن. وسىلايشا ءبىز سالىق جانە تاعى باسقا تولەمدەردەن بوساتىلعانبىز. ال، ەفتەتيكالىق بۋدكالاردى وڭتۇستىك كورەيادان ساتىپ الامىز. قازاقستان ىشىندە تاسىمالداۋعا ارنالعان 2 فۋرامىز بار»، - دەدى ول.

 شىعارىلاتىن ءونىمنىڭ 6,7 پايىزى شەتەلگە ەكسپورتتالادى. بۇگىندە كاسىپورىننىڭ ونىمدەرى رەسەي مەن قىرعىزستانعا جەتكىزىلەدى. جاقىندا كومپانيا موڭعوليا نارىعىنا شىعا باستادى.

كاسىپورىن ديرەكتورىنىڭ ايتۋىنشا، مۇندا اتتەستاتسيادان وتكەن ارنايى لابوراتوريا بار. وندا دايىن ءونىم مەن شيكىزات تەكسەرۋدەن وتەدى. كومپانيا «ISO» ستاندارتىمەن ءارى حالال ستاندارتىمەن سەرتيفيكاتتالعان. ءوزىنىڭ ۆەتەرينارلىق قىزمەتى بار.

كاسىپورىن ش و ب- تى قولداۋعا باعىتتالعان مەملەكەتتىك قولداۋدىڭ بارلىق قۇرالدارىن پايدالانعان.

«بيزنەستىڭ جول كارتاسى-2020»، «ءوندىرىس» باعدارلامالارىنا قاتىستىق. قازىر «بايتەرەك» حولدينگى جاريالاعان «ۇلتتىق چەمپيوندار» باعدارلاماسىنا قاتىسىپ جاتىرمىز»، - دەدى ۆ. پاك.

اۆتور: گۇلميرا عوسمانالي