سەمەي مەن قىتايدىڭ سۋجوۋ قالالارى ءوزارا ىنتىماقتاستىق ورناتپاق
جاقىندا سەمەيگە سۋجوۋ قالاسىنىڭ دامۋ جانە رەفورمالار، ەكونوميكا جانە اقپاراتتىق تەحنولوگيالار، كولىك، دەنساۋلىق ساقتاۋ جانە تۋۋدى جوسپارلاۋ، سونداي-اق سپورت سالالارىنا جەتەكشىلىك ەتەتىن سىرتقى ىستەر بويىنشا كەڭسە باستىعىنىڭ ورىنباسارى سۋن ۆەيمين باسقارعان قىتايلىق دەلەگاتسيا كەلىپ جەتتى.
سەمەي قالاسىنىڭ اكىمى ەرمەك ءسالىموۆ پەن قالالىق كاسىپكەرلىك ءبولىمىنىڭ باستىعى مارات نۇگەروۆ قوناقتارعا ايماقتا كاسىپكەرلىكتىڭ قارقىندى دامىپ جاتقانى تۋرالى بايانداپ بەردى. 2014-جىلى ونەركاسىپ ءوندىرىسىنىڭ كولەمى 131 ميلليارد تەڭگەنى قۇراسا، بيىلعى جىلى دا جاقسى كورسەتكىشتەر ساقتالۋدا.
«سەمەي بارلىق باعىتتاردا تاۋارلار تاسىمالداۋدا ءتيىمدى ترانزيتتىك ءدالىز بولىپ تابىلادى. قالامىزدا ساۋدا-لوگيستيكالىق ورتالىقتاردىڭ جانە حابتاردىڭ دامۋى باسىم باعىتقا اينالعان، قازىر وسى جوبالار ازىرلەنۋدە»، - دەدى م. نۇگەروۆ.
ءوز كەزەگىندە سۋن ۆەيمين مىرزا قىتايدىڭ وڭتۇستىگىندەگى جياڭسۋ پروۆينتسياسىندا ورنالاسقان سۋجوۋ قالاسى ماڭىزدى تەمىرجول تورابى بولىپ تابىلاتىنىن، كولىكتىڭ بارلىق تۇرلەرى بويىنشا جاقسى كولىك ايىرىمىنا يە ەكەنىن ايتىپ بەردى. ايماقتا مەتاللۋرگيا، جەڭىل جانە ازىق-تۇلىك ونەركاسىبى سالالارى جاقسى دامىعان.
كەزدەسۋ سوڭىندا ەكى تاراپ ىنتىماقتاستىق تۋرالى مەموراندۋمعا قول قويدى.
سەمەي قالاسىنىڭ اكىمى ەرمەك ءسالىموۆ قوناقتارعا ش ق و ەكونوميكاسىمەن تولىققاندى تانىسۋلارى ءۇشىن شىعىس قازاقستان ءوڭىرىنىڭ ينۆەستيتسيالىق جوبالارىنىڭ جيناعى مەن ەستەلىك سىيلىقتار تابىس ەتتى.