ق ر پرەمەر-ءمينيسترى جەلتوقسان ايىندا قىتايعا بارادى
بۇگىن پارلامەنتى سەناتىنىڭ جالپى وتىرىسىندا ق ر پرەمەر-ءمينيسترى كارىم ءماسىموۆ وسىلاي ءمالىم ەتتى.
ەسكە سالايىق، جالپى وتىرىستا «2016-2018-جىلدارعا ارنالعان رەسپۋبليكالىق بيۋدجەت تۋرالى» ق ر زاڭىن قابىلدانعان بولاتىن.
«جالپى قورىتىندىلاي كەلە، ايتقىم كەلەتىنى، ءبىزدىڭ جوسپارىمىز ءۇش نەگىزگى باعىتتى قامتيدى. بۇلار ءبىرىنشى - مەملەكەت باسشىسىنىڭ تاپسىرمالارىنا نەگىزدەلەتىن جاڭا ەكونوميكالىق ساياسات.
ەكىنشىدەن، رەفورمالاردى جالعاستىرۋ. ءۇشىنشى - ءبىزدىڭ جوسپارىمىزدىڭ بارلىعى شىنايى، بارشاعا، حالىققا دا شارۋاشىلىق ەتۋشى سۋبەكتىلەرگە دە ۇعىنىقتى بولا تۇسەدى»، - دەدى ۇكىمەت باسشىسى.
ايتا كەتەرلىگى، بۇعان دەيىن حابارلاعانىمىزداي، جەلتوقسان ايىنىڭ باسىندا ۇكىمەت داعدارىسقا قارسى ءبىرىڭعاي باعدارلاما مەن جۇمىسپەن قامتۋدىڭ جاڭا باعدارلاماسىن قابىلداۋدى جوسپارلاپ وتىر.
سونىمەن قاتار، پرەمەر-مينيستر جەلتوقسان ايىندا ءوزىنىڭ قىتايعا ساپارى دا جوسپارلانعانىن اتاپ ءوتتى. «ەلباسى تاپسىرماسىنا سايكەس، مەنىڭ قىتايعا ساپارىم جوسپارلانىپ وتىر. وندا «نۇرلى جول» باعدارلاماسى مەن «ءبىر جول-ءبىر بەلدەۋ» باعدارلامالارىن ۇيلەستىرۋ جونىندەگى كەلىسىمدەر اياسىنداعى ماسەلەلەر جانە قىتاي اۋماعىنداعى ءوندىرىستى قازاقستاننىڭ اۋماعىنا اۋىستىرۋ ماسەلەلەرى قارالاتىن بولادى»، - دەدى ۇكىمەت باسشىسى كارىم ءماسىموۆ.